Amerikako Estatu Batuetan, epaileak erabakitzen du bidezko erabilera. Hark aztertzen du bidezko erabilera neurtzeko lau faktoreak nola aplikatzen zaizkion kasu jakin bakoitzari.
1. Erabileraren helburua eta izaera komertzialak diren edo irabazi asmorik gabeko hezkuntza-asmoetarako diren ala ez
Auzitegiek erabilera "bihurtzailea" den aztertu ohi dute. Hau da, erabilera jakin horrek jatorrizkoari beste inolako adierazpen edo esanahi berririk gehitzen dion, ala jatorrizko informazioaren kopia hutsa den. Erabilera komertzialak normalean ez dira bidezko erabileratzat jotzen, baina halere baliteke bideo baten dirua irabazteko aukera gaitu eta bidezko erabilera defendatzeko aukeraz baliatu ahal izatea.
2. Copyrighdun lanaren mota
Errazagoa izan ohi da egiazko jazoeretan oinarritutako materialen erabilera bidezkoa izatea fikziozko lanetan oinarritutakoa baino.
3. Copyrighta duen lanari dagokionez, erabilitako zatiaren zenbatekoa eta garrantzia
Jatorrizko lanen zati txiki bat erabiltzea errazago hartuko da bidezkotzat lanaren zati handi bat erabiltzea baino. Dena dela, kasu batzuetan, lanaren oso zati txiki bat erabili arren, erabilera bidezkoa ez dela ebatz liteke, erabilitako zatia lanaren "muina" bada.
4. Erabilerak merkatu posiblearekiko edo copyrighdun lanaren balioarekiko duen eragina
Copyright-jabeari jatorrizko lanarekin irabaziak eskuratzeko gaitasuna murritz diezaioketen erabilerak nekez hartuko dira bidezko erabileratzat. Auzitegiek horrelako kasuetan salbuespenak egin izan dituzte, jatorrizko lanen parodiak bitarteko.