Chenchule'
![Image](http://web.archive.org./web/20231225134650im_/https://blogger.googleusercontent.com/img/b/R29vZ2xl/AVvXsEgd378MSFdV2ljDH-aAMmZQbPxjnxSDyQehDDJZhlXK_mf0o2dgiXpsSI2NH2XroL8U2zKUoDKxsU4AqSLWx6ZVrsVZOuE3JD4OQDTc3heMKueRvtA4LeE5d80IngKHBYGqIxjvWTNZpKIda2DMjTF1CDqERj-Wy3qOG_gSKmrbvrhRXCNK6g/w632-h397/frutas%20gollai%20ancient.jpeg)
Chenchule' kumekeilekña nina'i para ayudu gi maseha håfa na cho'cho' familia pat cho'cho' gi halom i kumunidåt. Siña ha' mana'enñaihon salåpe' pat efektos yanggen guaha gupot nobena, fandanggo, måtai, bautismu, showern nobia pat showern påtgon yan yanggen guaha makompliåñios. Gof ayudu på'go na tiempo este i kostumbren Chamoru ni' chenchule', pi'ot ha' sa' gof guaguan siha i bentan nengkånno' gi tenda. Yanggen guaha måtai gi familia, meggai na tåya' plånu ya ti mampriparao i familia para i manadan gåsto. Mangof guaguan lokkue' i ata’ut yan i para ma'entieru. Guaha nai kahulo' ha' i gåsto gi tres pat kuatro mit pesos. Ti opbligao i familia na para u fanna'chocho, lao kostumbren Chamoru na para ma'agradesi i finatton i taotao gi che'cho'-ñiha. Guaha lokkue' meggai na familia ginen i chago' para u fanmanayuda ya nisisario na u mana'fañocho. Tenga ma