WordPress: Amplía a túa liberdade
Crea un lugar para o teu negocio, os teus intereses ou calquera outra cousa coa plataforma de código aberto que move a web.
Sóñao, créao
Iso é o bo de usar bloques. Ve exactamente como se verá o teu sitio en tempo real, incluso mentres engades, editas e reorganizas o teu contido. Crea calquera tipo de sitio personalizado con edición intuitiva, ferramentas de deseño flexibles e potentes características para xestionalo todo.
Potente e fortalecedor
Dálle estilo ao teu xeito
Deseña calquera cousa que imaxines. Empeza cun lenzo en branco ou elixe entre unha ampla variedade de temas e padróns. Personaliza cada detalle, desde a cor e as fontes ata o deseño e a funcionalidade.
Conecta e amplia
Fai que WordPress faga o que necesites. Engade unha tenda, unha lista de correo, un porfolio, un feed social, analíticas; ti tes o control con máis de 55.000 plugins.
Sé dono do que fas
O teu contido, o teu deseño e os teus datos son sempre teus. Con WordPress eres libre de contar a túa historia, facer crecer a túa marca ou, simplemente, ser só ti.
Crea con confianza
Creado por unha comunidade de código aberto con décadas de experiencia, os seus apaixoados colaboradores comprométense a manter WordPress o máis estable e seguro posible.
Unha plataforma, un universo de posibilidades
Descubre unha colección de exemplos de sitios web de todo o mundo, seleccionados para destacar o fermoso deseño, a innovación técnica e o poder ilimitado de WordPress.
Crea para ti,
pero non en soidade
Tanto se eres un emprendedor, un desenvolvedor profesional ou un blogueiro novato, tes á túa disposición unha biblioteca de recursos e ferramentas de aprendizaxe. Ademais, tes a toda a comunidade de WordPress ao teu lado.
A comunidade en esencia
Detrás da tecnoloxía hai un colectivo diverso de persoas que colaboran en todo o mundo. Únenos o espíritu do código aberto e a liberdade de construír, transformar e compartir sen barreiras.
Desde escribir código e realizar probas, ata colaborar coa comunidade e traducir, hai moitas formas de contribuír e todo o mundo é benvido. Construamos xuntos o futuro da web.
Primeiros pasos
Encontra todo o que necesitas para empezar, descargar a plataforma, encontrar aloxamento e moito máis, tanto se é o teu primeiro sitio como se é o nonaxésimo primeiro.