NO REST FOR THE AWAKE - MINAGAHET CHAMORRO

Suette Yu’ Tumotohge gi me’nan i fanhalum’an i ante-ku Mames i linamlamlam i magagu-ña I pekkåt-ña siha muna’fakmåta yu’ Ya i gaige-ña muna’figan gi sanhalom-hu Un ti chaguayan na guafi Anai humålom gui’ Ya ha faloffåni yu’ Malingu i tano’ gi papa’-hu Sa’ ha guaiya yu’ Achokka’ ti må’gas yan matua yu’ Tåya’ lulok oru na potseras para i kannai-ña Ya i dibi-hu taihinekkok Ha atanñaihon yu’ gi hinanao-ña Ya ha chatgeñaihon yu’ Ya hu li’e’ i semnak uma’atok gi chinalek-ña

Estague i hiniyong-na i botasion Primary nigap. Ti magof yu' put i mapedde'na i gayu-hu lao estague i hiniyong sinembatgo. Sigi ha' umessitan yu' gi este na ha'ani, na esta para bai falak as Guitierrez/Aguon yan fanule' franela, sa' achokka' matalonan i gayu-hu, ga'no-ku Gutierrez kinu Calvo. Este i fine'nina na biahi na mambota yu' gi i bandan pat patidan Republican. Ha gof fulot yu', ya ti ya-hu i sabot-na. Siempre agupa' gi duranten i taicho'cho' na ha'ani bai hu guakse i hila-hu. Desde dumongkolu yu', Democrat yu' pat mas liberal pat Inakague, lao taya' nai Republican pat Inagapa'. Achokka' ha na'triste yu' i mapedde'-na Si Mike Cruz, lumamagof sa' kaikai este na banda, para i mas payon yu' na pueston pulitikat, i Democrat na banda. Este na "experiment" i fine'nina na chinagi ya puede ha' i uttimo lokkue'. ************************** REPUBLICANS Calvo, Edwa