Adios GM
![Image](http://web.archive.org./web/20231124073334im_/https://4.bp.blogspot.com/_MA6TSuti-Y8/SjAFVX6AovI/AAAAAAAAC4Y/6Oy0akGpXhQ/s400/xin_34050412083282827421.jpg)
Makpo’ esta (put fin!) iyo-ku defense para iyo-ku dissertation. Siña dumeskånsañaihon yu’ på’go achokka’ bubula’ ha’ na debi di bai hu cho’gue para u na’funhåyan este na tinige’-ku. Lao put i makpo’ na defense-hu, para bai hu hagong mas fa’set yan mas tahdong gi este na simåna, antes di bai hu saonao i likao i manmagraduduha gi i mamamaila na Sabålu. Ya-hu este na ti apmåm na tiempon humahaggan, pi’ot sa’ siña hu buskabida gi i internet. Hu sodda’ este na tinige’ Michael Moore gi iyo-ña website. Guaha na kalang ti hongge’on i binanidosu i taotao yan kometsiante Amerikånu siha. Todu i otro na manriku na nasion, dumiddidde dummiddidde ma na’latatakhilo i “fuel efficiency” para i karetan-ñiha. Lao atan i bidan i Amerikånu siha? Kulang tåya’. Ma diseha na i espiritun Amerikånu yan i brinede i Amerikånu na taotao para u ma’ok siha. Lao atan ha’, atan i hiniyong. Dos na mampos dongkålu na kompaña Amerikånu, pumoddong ya tumaisalåpe. Ti ma komprende i finayi este na sinangan, "planehayi