ގދ.ތިނަދޫ ނޫރަލިއާގެ މަރިޔަމް ޝަނީން މުހައްމަދު އަކީ ކުޑައިރުއްސުރެ ގިނަ އަދަދެއްގެ ކާއެއްޗެއްސާއި ބޭހަށް އެލާޖިކްވާ ކުއްޖެކެވެ. ކާއެއްޗެހީގެ ތެރެއިން ބިހާއި މަސް، އަދި އެކިވައްތަރުގެ ޖޫހަށް އެލާޖިކްވާ ކަމަށް ޑޮކްޓަރުން ވަނީ ބުނެފައެވެ. މީގެއިތުރުން ތަދުކަނޑުވާ ބޭސް ހިމެނޭހެން ގިނަ އަދަދެއްގެ ބޭސް ބޭނުން ނުކުރެވޭތީ އެލާޖިކްވާ ހާލަތްތަކުގައި ދޭނެ ފަރުވާއެއް ނޭގޭ ހާލަތުވެސް އާދެއެވެ. "ވަގުތު"އަށް މައުލޫމާތު ދެމުން އާއިލާއިން ބުނެފައިވަނީ އެންމެ ކުޑައިރުއްސުރެ ޝަނީން ބަލިވާ ކަމަށާއި އެއްވެސް ކަމެއް ނުކޮށް ހުއްޓަސް ކުއްލިއަކަށް ހާލު ދެރަވާ ކަމަށެވެ. އެގޮތުން ކާންދިނުމުގައިވެސް ވަރަށް ފަރުވާތެރިވާން ޖެހޭ ކަމަށާއި އެލާޖިކްވާ ގިނަ އެއްޗެހި ނޭގޭތީ ވަރަށް އުދަގޫ ކަމަށް އާއިލާއިން ވަނީ މައުލޫމާތު…
