Por la 109a Universala Kongreso de Esperanto (UK), okazonta en 2024, la Estraro de UEA unuanime elektis Tanzanion kiel kongreslandon. La unuan fojon UK okazos en la kontinento Afriko. La gastiga urbo Aruŝo (Arusha) estas internacia turisma destino, sed ne nur: ĝi ankaŭ estas grava diplomatia urbo, la sidejo de la Orient-Afrika Komunumo kaj de la Afrika Kortumo de Afrika Unio.
1. Antaŭ 70 jaroj naskiĝis Ilona Koutny (kútni, 1953-1972- ), hungara lingvistino, instruistino kaj esperantistino, ekde 1997 loĝanta en Pollando; redaktoro ĉe Scienca Eldona Centro de UEA, gvidanto de la Esperanto-fako ĉe la universitato Eötvös Loránd en Budapeŝto (1987-97), fondinto (1997) kaj gvidanto de postdiplomaj interlingvistikaj studoj ĉe la universitato Adam Mickiewicz (UAM) en Poznano, organizanto de interlingvistikaj simpozioj ĉe UAM; membro de la Akademio de Esperanto (1998-2016), membro de AIS (1985); aŭtoro de Hungara-Esperanta meza vortaro (kun I. Szerdahelyi, 1996), Angla-Esperanta-Hungara etvortaro pri Lernado kaj Laboro (2002), Angla-Esperanta-Hungara etvortaro pri Lingvo kaj Komunikado (2003), Angla-Esperanta-Hungara etvortaro pri Homa vivo kaj Loĝado (2005), Angla-Esperanta-Litova etvortaro pri Lernado kaj Laboro (kun A. Čižikaitė, 2005), Germana-Esperanta-Pola etvortaro pri Lingvo kaj Komunikado (kun C. Brosch, M. Jaskot, H. Vogt, 2008) kaj de pluraj artikoloj; redaktoro de kelkaj esperantologiaj kaj interlingvistikaj libroj; laŭreato de la honorinsigno de HEA (1989), premio de la Fondaĵo Grabowski (2008), diplomo de UEA pri Elstara Agado (2015), honora membro de ILEI (2016); la Esperantisto de la Jaro 2008.
• Legu pli en la enciklopedio Nia Diligenta Kolegaro (p. 159-160).
Viana, Paulo Sérgio. Dek du rakontoj / Kompilis Aleksander Korĵenkov. — Kaliningrado: Sezonoj, 2023. — 49 p. — (Virtuala Biblioteko de Sezonoj, №22).
La 28an de februaro 2023 en la Virtuala Biblioteko de Sezonoj aperis nova senpage elŝutebla bitlibro — Dek du rakontoj de Paulo Sérgio Viana.
Paulo Sérgio Viana [prononcu: páŭlu sérĵju viána] estas brazila kuracisto, naskiĝinta en 1948. Li loĝas en la urbo Lorena, en la brazila ŝtato San-Paŭlo. Dum kvindek jaroj li laboris kiel fakulo pri gastroenterologio en negranda, internlanda urbo. Tie li konstante kunvivadis kun popolanoj kaj povis kolekti multajn kuriozajn okazaĵojn, kiujn li uzis en siaj rakontoj.
Multaj el vi demandis pri la Universala Kongreso de Esperanto en 2024, do jen kelkaj ĝisdatigoj pri la brila laboro, kiun nun faras la Kongresa Fako (KF) de UEA. Antaŭ kelkaj tagoj okazis ĉeesta kunsido kun la kandidatoj al LKK kaj lokaj reprezentantoj de Aruŝo (Tanzanio, Afriko). Dum la laborkunsido ankaŭ okazis donaco de materialoj portitaj de Edukado@Interreto por la lokaj aktivuloj.
Antaŭ 70 jaroj, la 26an de februaro 1953 en Moskvo forpasis Nikoláj Ivánoviĉ Ĥoĥlóv (Николай Иванович Хохлов, 1891-1953), rusa ekonomikisto kaj esperantisto (ekde 1905), konata en Esperanto ankaŭ kiel Nikolao Hohlov. Nikolaj Ĥoĥlov estis sekretario de la lingva komisiono de SEU, gvidanto de la Esperanto-sekcio de la Sovetunia societo de kulturaj ligoj kun eksteraj landoj (VOKS), membro de la Lingva Komitato (1929-38), tradukinto de pluraj beletraj (V. Doroŝeviĉ, A. N. Tolstoj kaj V. Majakovskij k. a.), politikaj kaj fakaj verkoj; sed nun oni memoras lin plejparte kiel la aŭtoron de la populara poemaro La tajdo (1928).
Okaze de la hodiaŭa datreveno ni proponas (re)legi unu el liaj popularaj poemoj
La 19an de februaro 2023 la ekskursgvidantoj kaj ĉiĉeronoj el Bjalistoko kaj el la regiono, okaze de sia festo, promenadis tra la urbo Bjalistoko, “renkontante” famajn en la 1920aj kaj 30aj jaroj turismajn gvidantojn. Tre belan prezentadon de la Gvidilo tra Bialystok – la naskurbo de nia majstro, eldonitan en la jaro 1923, do antaŭ 100 jaroj, faris apud la bjalistoka Centro Ludoviko Zamenhof la aktivulino de Bjalistoka Esperanto-Societo kaj de PTTK (Pola Landkoniga Turisma Societo) Iza Walentynowicz.
La 24an de februaro 2023 estis lanĉita la bitalbumo Tra la sonĝoj de la ukraina-germana duopo ĴeLe (Ĵenja kaj Lena Wilke). La familia duopo ĴeLe ekzistas de 2009. Ĵenja estas la filino kaj Lena la patrino, ambaŭ estas muzikistinoj. Lena devenas el Ukrainio, kie ŝi esperantistiĝis en 1984. Unu jaron poste ŝi jam verkis Esperanto-kantojn, ekzemple Nur ĝojo kaj Dank’ al vi. Ĵenja naskiĝis en 1990 en Germanio kaj plenkreskis kun Esperanto.
La muziko de ĴeLe estas plejparte lirika, tre melodia, bonsona, taŭga por ĉiu generacio, akompanata de piano, gitaro, ukulelo, violono, metalofono, kaj akustikaj perkutinstrumentoj. Preskaŭ ĉiujn kantojn kreis Lena (muzikon kaj tekstojn). ĴeLe plenumis ĝis nun ĉirkaŭ 50 koncertojn en dek landoj dum diversaj Esperanto-aranĝoj, festivaloj, UKoj, IJKoj.
Hodiaŭ ni finas aperigi respondojn al la demandoj de nia tradicia jarfina enketo pri la atingoj kaj malsukcesoj en Esperantujo dum 2022. La lasta (alfabetorde) el la dek respondintoj estas Spomenka Štimec (Kroatio), verkistino kaj redaktoro de la revuo Tempo. Ŝiaj respondoj unue aperis en la decembra eldono de La Ondo de Esperanto (2022, №314).
La plej bona afero estas la fakto ke la Universala Kongreso en Montrealo fizike okazis.
La plej malbona afero estas vendo de la domo de UEA en Roterdamo. Ni malriĉiĝis kaj kadukigis la Movadon.
La jubilea 100a Germana Esperanto-Kongreso daŭros tutan semajnon. Ĝia ĉefa parto okazos dum Pentekosto, de la 26a de majo (vendredo) ĝis la 29a de majo (lundo), kaj ofertos prelegojn kaj laborgrupojn pri la temaro “Amikoj tutmonde”, ampleksan libroservon, regionajn ekskursojn kaj vesperajn kulturprogramojn. La postkongreso senpere sekvos samloke kaj enhavos ĉefe turismajn kaj kulturajn erojn. Eblas partopreni aŭ nur la ĉefan aŭ la kompletan kongreson.
La 21an de marto 2022 en Zagrebo estis fondita Societo Poligloto, celanta nekomercan kultivadon, antaŭenigadon kaj popularigadon de fremdaj lingvoj kaj kulturoj en Respubliko Kroatio, samkiel kultivadon, antaŭenigadon kaj popularigadon de la kroata lingvo kaj kulturo en aliaj landoj de la mondo. En la societo eblas kontraŭ nur 20-eŭra jarkotizo, sen iu ajn aldona pago, lerni kaj praktiki jam aron da lingvoj (la angla, germana, franca, itala, hispana, japana, hungara) kaj de la 13a de januaro 2023 ankaŭ Esperanton.
Ĉu vi estas juna eŭropano, entuziasmas pri politiko Eŭrop-nivele? Ĉu vi dezirus kunordigi projekton de TEJO financita de la Eŭropa Parlamento, spertas pri administrado de projektoj, ŝatus enspezi monon pere de tio kaj riĉigi viajn profesiajn spertojn? TEJO bezonas vian talenton!
Orlev, Uri. Kuru, knabo, kuru / Tradukis el la hebrea Tomasz Chmielik, Amir Naor. — Świdnik, Lublin: Ars Libri, 2019. 136 p., il.
Mi legis multajn librojn pri Holokaŭsto, ĉefe rememorojn kaj historiajn studaĵojn. Tamen tiu ĉi beletraĵo impresis min, ĉefe per simpleco de la rakonto, plian fojon konfirmanta ĝian aŭtentikecon.
Legi plu
La 13an de februaro 2023 post longa malsano en Stary Sącz forpasis
Halina Komar (1937-2023)
Ĉu vi estas juna eŭropano, entuziasmas pri politiko Eŭrop-nivele, spertas pri neformala edukado kaj dezirus trejni pri la ligo inter lingvo kaj seksismo ĉe la Eŭropa Parlamento, kie estos aliaj miloj da junuloj el la tuta kontinento? TEJO bezonas vian talenton!
Lige kun la 108a UK en Torino okazos samtempe, de la 29a de julio ĝis la 5a de aŭgusto 2023, ankaŭ la 51a Internacia Infana Kongreseto (IIK) meze de la Parko La Mandria, apud Torino, Piemonto, Italio. Bonvenon viziti la retejon de IIK: iik.uea.org.
La temo de la kongreseto estas “Sporto kaj Naturo”.
.
La Ondo de Esperanto.
2022, №4. 139 paĝoj.
Konciza demoversio
Elŝutu: pdf
La Ondo de Esperanto.
2022, №3. 134 paĝoj.
Konciza demoversio
Elŝutu: pdf
La Ondo de Esperanto.
2022, №2. 125 paĝoj.
Konciza demoversio
Elŝutu: pdf
La Ondo de Esperanto.
2022, №1. 126 paĝoj.
Konciza demoversio
Elŝutu: pdf
Musklaku la kovrilon por legi pliajn informojn.
