Thirrje e hapur për regjistrim në trajnimin  “Zhvillimi i Prototipeve në IoT” 📣

➡️ Mësoni se si të hulumtoni dhe krijoni zgjidhje inovative ne lëminë e IoT (Internet of Things) me një ritëm të përshpejtuar. Qasja e trajnimit do të jetë në zhvillimin e aftësive praktike, duke mësuar procesin e gjerë të zhvillimit dhe dizajnimit të një prototipi elektronik.

Gjatë trajnimit një-mujor, pjesëmarrësit/et do të mësojnë për tema të ndryshme si: Hulumtimi & Zhvillimi i ideve, Dizajni, Elektronika, Hardueri & Softueri i hapur. Trajnimi është i përshtatshëm për këdo që është entuziast/e i/e elektronikës/teknologjisë dhe ka motiv të lartë për të mësuar tema të ndryshme.

Përgjatë trajnimit pjesëmarrësit/et do të kenë qasje në laborator të elektronikës dhe në punëtoritë e Prishtina Hackerspace. Secili pjesëmarrës/e duhet të ketë 💻 laptop gjatë orëve të trajnimit në mënyrë që të kenë qasje në materialet arsimore si dhe për t’u qasur në mikrokontroller/mikroprocesor.

⚫ Trajnimi zgjatë 8 sesione nga 1.5 orë në ditë dhe mbahet te marteve dhe enjteve nga ora 15:00 deri 16:30 duke filluar më datë 10 maj 2022.

Trajnimin do ta udhëheqë Lis Luci – Inxhinier i Kompjuterave.

Regjistrohuni këtu: https://forms.gle/cEi2JAiaK2V4VRQTA

📆 Afati i fundit për regjistrim është 6 maj 2022!

Kjo thirrje mbështetet nga Ministria e Kulturës, Rinisë dhe Sportit të Republikës së Kosovës.

Thirrje për aplikim në trajnimin “Udhërrëfyes i fillestarëve në Linux / Beginner’s guide to Linux” 📣

Linux njihet si projekti më i madh open source deri tani. Sistemet operative të ndërtuara mbi të variojnë në qëllime nga desktop, server, networking, cloud, embedded etj.

Siguria e lartë, stabiliteti, shtrirja në shumë arkitektura, përshtatshmëria për zhvilluesit, softueri i lirë e me kod të hapur, janë disa nga karakteristikat të cilat e bëjnë Linux-in atraktiv dhe shumë të përdorshëm.

⚫ Gjatë trajnimit do të mësojmë mbi mënyrën e funksionimit të sistemit operativ, detajisht si të punojmë me të dhe rreth veglave të nevojshme për zhvillim me Linux.

⚫ Trajnimi zgjatë 8 sesione nga 1.5 orë në ditë dhe mbahet në ditet e Hëne, Marte dhe Enjte nga ora 17:00 deri 18:30 duke filluar më datë 5 Maj 2022.

Trajnimin do ta udhëheqë Enkelena Haxhiu. Enkelena punon si inxhiniere e softuerit në Solaborate, e fokusuar në Linux Kernel.

Regjistrohuni këtu: https://forms.gle/RLdZG8uD2ESkAXrY6

📆 Afati i fundit për regjistrim është më 29 prill 2022

Kjo thirrje mbështetet nga Ministria e Kulturës, Rinisë dhe Sportit të Republikës së Kosovës.

🙌 Që nga muaji dhjetor i vitit 2021, FLOSSK ka filluar të mbajë trajnime dhe takime të vazhdueshme me të rinj dhe komunitetin open-source.

👥 Gjatë trajnimeve tërë-ditore në 16 shkolla të mesme të Kosovës kanë marrë pjesë rreth 300 të rinj. Gjatë këtyre trajnimeve janë prezantuar bazat praktike të elektronikës përmes platformës së hapur Arduino si dhe është përfshirë orientimi në karrierë në fushat përkatëse.

💻 Përveç trajnimeve në shkolla, kemi filluar edhe trajnimet specifike si ‘’Dizajnimi i PCB me KiCAD’’ në të cilin aktualisht po trajnohen rreth 15 të rinj. Trajnimi fokusohet në dizajnimin e një pllake (development board) me një mikrokontroller dhe qarkun përcjellës.

👨🏻‍💻️👩🏻‍💻️Për më tepër, gjashtë të rinj të grupmoshës 14-18 vjeç janë duke marrë pjesë në trajnimin ‘’Zhvillimi i Prototipeve në IoT’’ gjatë të cilit po mësojnë se si të hulumtojnë dhe krijojnë zgjidhje inovative në lëminë e Internet of Things. Disa nga temat që po ligjërohen janë Hulumtimi & Zhvillimi i ideve, Dizajni, Elektronika, Hardueri & Softueri i hapur, 3D printimi etj.

➡️ Kjo rrjedhë e trajnimeve do të vazhdojë edhe me tri trajnime të tjera në Linux Kernel dhe “Rapid Prototyping” që do të mbahen gjatë muajit maj dhe qershor.

🎉 FLOSSK po ashtu është duke vazhduar takimet mujore me grupet e përdoruesëve në OpenStreetMap, Open Hardware, Linux, Flutter dhe InfoSec.

Këto aktivitete po mbahen në kuadër të projektit ‘’Trajnime për Punësim’’ të financuar nga Ministria e Kulturës, Rinisë dhe Sportit të Republikës së Kosovës.