Kuatro na Gayu
![Image](http://web.archive.org./web/20210912123825im_/https://1.bp.blogspot.com/-smyGASJ2SZ8/V7IQKJUcfZI/AAAAAAAAMms/3xfhlCDb9pksa7zLuXgKepgybwg_XbGxQCLcB/s400/delegate%2Brace%2B2016%2Bcollage.jpg)
Achokka' tåya' botasion para Gubetnon Guahan gi på'go na såkkan, humuyhuyong un interesånta na botasion gi bandan Kongresu. Ayu na pusision fihu mafa'na'an "Kongresu" lao gi minagahet i titilu-ña "Ti mambobota na Kongresu." Gaige este na ofisina sen chågo' guatu giya Washington D.C. Ya para este na cho'cho', kuatro ha' na taotao ma go'te gui' desde ki mababa i pusision gi 1972: Si Tony Won Pat, Si Ben Blaz, Si Robert Underwood, ya i gumo'go'te gui' på'go si Madeleine Bordallo. På'go na såkkan mandesnik kuatro na gayu: Dos gi bandan Republican: Si Margaret Metcalfe, un komesetiante, ya ha chagi tumague si Bordallo gi ma'pos'ña na såkkan. Gof hihot gui' gi as Calvo, i Maga'låhen Guahan på'go. Si Felix Camacho, eståba na senådot yan Maga'låhen Guahan. Si tatå-ña i uttimo na ma'apunta yan i fine'nina na ma'ilihi na Maga'låhen Guahan. Si Camacho yan i familia