(ހދ. ކުޅުދުއްފުށި) ދިހަހާހަށް ވުރެ ގިނަ މީހުންގެ އާބާދީއެއް އޮތް ކުޅުދުއްފުއްޓަކީ ވެސް "ފުޓުބޯޅަ ފޯރި" ބޮޑު ރަށެކެވެ. މި ރަށު "ވައިކިން ކްލެޕް" ފޯރި މުޅި ރާއްޖެއަށް މަގުބޫލުވެ ގަލޮޅު ދަނޑާ ހަމައަށް ކުޅުދުއްފުށި ސަޕޯޓަރުން ގެންދަން ޖެހުމަކީ އެ ފޯރި އޮތް މިންވަރު ދައްކުވައިދިން ކުޑަ މިސާލެކެވެ. ރަށުގެ އަވަށު ވާދަވެރިކަމުގައި ވެސް މި ފޯރި ކުޑައެއް ނޫނެވެ. "ކޮރެލް"، "ހިރަފުސް"، "ޒިގްޒެގް" މިހެން އެތައް ނަމެއްގައި އަވަށު މީހުން ކްލަބް ހަދައިގެން ވާދައިގެ މުބާރާތްތައް ވެސް ހިންގާއިރު، "ޒިގްޒެގް" ސަަރަހައްދުގެ ޒުވާނުންނާއި ކުދިވެރިން ކުޅެމުން ދިޔަ ދަނޑުގައި ނުކުޅެވި އަށް އަހަރަށް ވުރެ ގިނަ ދުވަސްވީއެވެ. މީގެ އަހަރުތަކެއް ކުރިން، މި…
