اهل السنة و الجماعه
| ||||
---|---|---|---|---|
مذاهب اسلاميه | ||||
صنف فرعى من | الاسلام | |||
تعديل ![]() |
اهل السنة والجماعة او "اهل السنة" هى اكبر الطوائف الاسلامية. و مصادر التشريع السنى هى القرآن و سنة نبي الاسلام محمد اللى فى الأحاديث النبوية الصحيحه. و مذهب اهل السنة منقسم لفروع مذهبيه على حسب الفقه زى مذاهب الائمه الاربعه وزى المذهب الظاهرى او على حسب العقيدة زى الأشاعرة و الماتريديه و الأثرية (أهل الحديث) و الصوفيه.
قال الحافظ مرتضى الزَّبيدي (ت 1205 هـ) في (اتحاف السادة المتقين): "والمراد بأهل السنة هم الفرق الأربعة: المحدثون والصوفية والأشاعرة والماتريدية".[1]
بشكل عام اهل السنه مؤمنين بصحة خلافة الخلفاء الراشدين الاربعه و ب العشره المبشرين بالجنة و بعدالة و احترام كل الصحابه.
بداية المذهب
المذهب طلع بعد الخلاف السياسي بين علي ومعاويه ابن ابي سفيان طلع ناس بيقولو اننا من شيعة علي بن ابي طالب (شيعه تعني جماعه) فاختلفو شيعه علي مع باقي الناس فقسمو الجهة التانيه نفسهم سنّه(بمعنى أنهم متّبعين سنّه الرسول محمد )والغريب ان الخلاف ما كان ديني بل سياسي بحت وكان الخلاف مين يكون الخليفة الخامس وتطور الموضوع عند الشيعه وطلعو تشريعات ما ثبتت عن الرسول محمد
العقيدة
أركان الايمان
- الايمان بالله
- الايمان بالملائكة
- الايمان بالكتب السماوية
- الايمان بالرسل
- الايمان باليوم الاخر
- الايمان بالقدر خيره وشره
أركان الاسلام
مأخوذة من حديث ل ابو هريره، وهى اساسيات الاسلام ، و أركان الاسلام الخمسه زى ما اتذكرت فى الحديث هى:
- الشهادة: "شهادة أن لا اله الا الله وأن محمدا رسول الله"
- اقامة الصلاة
- ايتاء الزكاة
- صوم رمضان
- الحج لمن أستطاع اليه سبيلا
اماكن الانتشار
المذهب السني اكبر المذاهب الاسلامية و مؤمن به حوالى 90% من المسلمين .
المذاهب العقائديه
بيتقسم اهل السنة والجماعة فى تحقيق العقيدة لمدارس فكرية و عقائديه مختلفه ، منها اللى جمع بين النصوص و العقل ، و استخدمت العقل و المنطق و الفلسفه او اللى اتعرف باسم علم الكلام زى
- الأشاعرة: واحده من مدارس اهل السنة والجماعة الكبيره ، اسمها بيجى نسبة لابو الحسن الأشعرى اللى قدر يقف قدام افكار المعتزلة و قدر يجادلهم باستخدام العقل و المنطق و علم الكلام عشان يثبت العقيدة و ان الاسلام لا يتعراض مع العقل و الفلسفه و بتعتمد على القياس . من اكبر المؤسسات الدينيه اللى معتنقه المذهب الأشعرى فى العقيدة هى الازهر الشريف و بتتبع فى الفقه المذهب الشافعى بشكل كبير و الحنفى ، مع تقبل بقية المذاهب العقائدية التانيه زى المتاريديه و المذاهب الفقهيه التانيه.
المقاله دي جزء من سلسلة عن |
أركان الاسلام |
شهادة أن لا اله الا الله و أن محمد رسول الله |
أركان الايمان |
الايمان بالله • الايمان بالملائكة |
; مصادر التشريع الاسلامي |
القرآن • السنة النبوية • اهل البيت |
شخصيات اساسية |
محمد • الانبياء • اهل البيت • الصحابه |
المذاهب |
اماكن مقدسة |
الخلافة الاسلامية |
الخلفاء الراشدين |
الاسلام فى العالم |
الاسلام فى اوروبا |
شوف كمان |
- الماتريدية: نسبة لابو منصور الماتريدى استخدم العقل و المنطق و علم الكلام ، بتعتبر افكرهم قريبه جدا من الأشعرية و مختلفه عنهم فى حاجات بسيطه جدا و بتتبع فى الفقه المذهب الحنفى بشكل كبير و الشافعى ، مع تقبل بقية المذاهب العقائدية التانيه زى الأشعرية و المذاهب الفقهيه التانيه.
و فيه مدارس تانيه اعتمدت على النص بالكامل او بشكل جزئى زى
- الاثرية: بتعتمد المدرسه دى على الاعتقاد و التشريع على التلقى من نصوص القرآن و الحديث النبوى و بتقدمها على العقل و المنطق ، بس بتفتح الباب للاجتهاد فى الحاجات اللى مفيهاش نص ثابت واضح.
- السلفية (أهل الحديث) : تقوم على الأخد الصريح بالنص من الكتاب و السنه و بتتبع فى الفقه المذهب الحنبلى بشكل كامل ، و بتتهم انها بتعادى المدارس العقائديه التانيه و مؤمنه أن الأشاعرة والماتريدية ضلوا عن طريق الحق باستخدمهم علم الكلام و الفلسفه اللى مكنتش ايام الرسول او الصحابه.
الطرق الصوفيه
- الصوفيه : منهج او طريق بيستخدمه المسلم اللى بيدور على الحب الالهى و المعرفه عن طريق خبره شخصيه و مباشره بعيد عن الدنيا و مشاكلها ، وده عن طريق الاجتهاد فى العبادات و تربية النفس و تطهير القلب و الذات. أتباع الطرق الصوفيه بيتبعوا المذاهب العقائديه الأشاعرة و الماتريدية و مذاهب الائمة الاربعة فى الفقه . الصوفيين بيتبعوا اساليب و تعاليم مختلفه لتطهير النفس و بينتموا لطريقة صوفيه زى الطريقة القادريه و الطريقة الشاذلية و الطريقة الدسوقية و الطريقة الرفاعية و غيرهم.
مذاهب فقهيه
المسلمين اللى على مذهب اهل السنة و الجماعة مؤمنين بأربع مذاهب الفقهية اللى هى اجتهدات الائمة الاربعة فى تطبيق اقواله و افعاله و العبادات و المعاملات و مصادر التشريع المتفق عليها اللى هى القران و سنة النبى . المذاهب الفقهيه الاربعة هى بحسب الظهور :
- المذهب الحنفى، نسبة الى ابو حنيفه النعمان
- المذهب المالكى، نسبة الى مالك بن أنس
- المذهب الشافعى، نسبة الى الامام الشافعى
- المذهب الحنبلى، نسبة الى احمد بن حنبل
المذاهب الفقهيه دى مدارس فقهية، اتفقت فى الاصول، واختلفت فى الفروع ، و مفيهاش اختلافات فى العقيدة. الازهر الشريف فى مصر بيدرس المذاهب دى و علمائه بيختاروا يتبعوا واحد من المذاهب دى.
شوف كمان
المصادر
- ↑ كتاب: أهل السنة الأشاعرة شهادة علماء الأمة وأدلتهم، تأليف: حمد السنان وفوزي العنجري، الناشر: دار الضياء للنشر والتوزيع، ص: 87.