en historio
dum septembro: 50, 100 e 250 yari ante nun …
11 di septembro 1971. Kosmosondilo Luna 18 kolizionis kun la Luno, e komuniki cesis. La skopo di ca misiono di USSR esis prenar specimeno di sulo de la surfaco e retro-voyajar a Tero; tala misiono ja facesis da Luna 16. Ol lansesis ye 2 di septembro, ed atingis orbito cirkum la luno ye 7 di septembro; ol komunikis multafoye kun Tero ante ke decenso iniciesis. La regiono selektita por Luna 18 esis montoza tereno, qua supozeble ne favoris sucesoza arivo.
12 di septembro 1921. En Lwów, Polonia (nuntempa Lviv en Ukraina) la skriptisto Stanisław Lem naskis. Ilua unesma romano di cienco-fiktivajo, Człowiek z Marsa ("La homo de Marso") aparis kom serio en 1946. Ilua produktiveso kreskis pos 1956, kande libereso di parolado kreskis en Polonia; de 1956 til 1968 il skriptis dek-e sep libri. Ilua skriburi esis verki di cienco-fiktivajo ed esayi pri cienco e kulturo. La romano Solaris (1961), pri ciencisti qui esforcas komprenar inteligenta oceano en stranjera planeto, esis la fonto di filmi en 1972 e 2002.
11 di septembro 1771. Mungo Park, exploranto di westal Afrika, naskis en Foulshiels, Skotia. Il exploris cirkume 1796 la plu alta parto di la Fluvio Nijer, e skribis libro Travels in the Interior Districts of Africa, en qua il sen-emoce detaligis sua observadi e la populi quin il renkontris, e spekulis ke la fluvii Nijer e Kongo divenas un fluvio. La libro esis populara ed influiva. Il mortis en 1806, dum duesma expediciono, voyajinte cirkume du-triimi di la longeso di la Nijer; ilua spekulajo restis ne-solvita til 1830, kande konstatesis ke la du fluvii esas separata.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|