No Longer America's Mayor
Ilek-na na Si Rudy Giuliani na ti ha guaiya Si Obama Amerika. Ai adai. Mas put patida este na sinangan kinu minagahet. Parerehu Si Obama yan todu i otro siha na presidenten Amerikanu. Manhongge gi put Amerika na uniku gui', na mas takhilo' gui' kinu todu i otro nasion siha. Lao Presidente Obama mas ti sesso ha puni i isaon Amerika pat i West, lao manhohongge ha' put i uniku-na i US. Gi fino' Ingles ma fa'na'an este "exceptionalism." Gi este na isao i bida-na i US sasahnge yan i bidan-niha todu i otro na nasion siha. Anggen manhatme i US otro tano', sahnge este yan otro na hinatme ginen otro na nasion. Si Rudy Giuliani ha sen hongge este. Anggen i US chumo'gue maolek ha', lao i otro ahe', cha'-niha. Si Obama ha hongge este lokkue', lao i sinangan-na mas mesklao, mas lebok. Ha admite na ti perfekto i US, ti taiisao, lao ha sapopote ha' sinembatgo ayu na hinasso na sina ha cho'gue maseha hafa malago'-na. *******