Not Just a Flag
![Image](http://web.archive.org./web/20210912124344im_/http://2.bp.blogspot.com/-on7ZLEov3bg/VYzantIzG0I/AAAAAAAALng/m_0lTMStu6E/s400/Confederate_Flag.jpg)
Hafa un bandera? Sina ta li'e' todu i tinaotao-ta rinepresesenta gi ayu na dikike' na kosa. Gi i banderan Amerikanu, sina ta li'e' i haga' Chamorro gi meggai na gera di i ma'pos na sitklo. Sina ta li'e' gi i inapa'ka i "racism" gi taimanu manmatrata hit desde ma chule' i tano'-ta gi 1898. Gi i banderan Guahan, sina ta li'e' i kuttura-ta, i guinaha-ta. Gaige guihi lokkue' patten ginnen i estoria-ta. Gof uniku i bandera-ta gi entre todu i nasion sa' ta pega i na'an i tano'-ta guihi guatu. Gof annok gi mata-na i palabra "Guahan." Sigun este sina ta alok na dichicheng hit na klasen taotao. Gof dikike' ya sen ti annok hit gi i mundo ya humuyongna ta sen fatta i na'an-ta gi i bandera-ta. Lao para kada sinangan na gaibali este na bandera, guaha otro sumasangan na taibali este, kulot, linakse, hilachas ha'. I asunto put i banderan Confederate giya South Carolina muna'hasso yu&#