Mubin Pixar Siha
![Image](http://web.archive.org./web/20210912125621im_/http://3.bp.blogspot.com/-_rHIo7F3Feo/VYcAsK9SUUI/AAAAAAAALnI/u4C_bEPmxks/s400/Pixar-productions.jpg)
Guaha dos patgon-hu siha. Hohoben ha' i dos. Gof ya-hu kumonne' siha para i fanegga'an para bei in egga' i nuebu na mubin famagu'on siha. Taiguihi i meggaina na manhoben, gof yan-niha umegga' i mubin Pixar. Gof ya-hu este na mubi siha, sa' tahdong i mensahi siha, fihu gof gaisiente, yan sesso mafa'tinas maolek i estoria. Ya-hu lokkue' na fihu gof "simple" i na'an-niha, ya ti mappot mapula' gi fino' Chamoru. Anai hu taitai este na lista gi Facebook ha na'hasso yu' put i na'an-niha este na mubi siha gi fino' Chamoru. Sesso hu usa este na pininala' siha gi klas-hu. Para i estudiante-ku siha, mas ki sesso sahnge i fino' Chamoru para siha. Esta hagas mampayon siha nu i fino' Ingles, ya achokka' i fino' Chamoru i fino' Irensia para siha, ti ma gof tungo', ya kalang fifino' lagu ha' gi pachot-niha yan hinasson-niha. Ya-hu muna'halom gi klas-hu este na klasin nina'chale