Letter from Joseph E. Rivera
Ti katoliko yu', gof ti katoliko yu'. Lao hu komprende na hagas gof tahdong i hinenggen katoliko gi kutturan Chamoru. Put este, ti hu despresia i Chamorro siha ni' manmanhohongge gi i gima'yu'us katoliko. Para meggai na Chamorro siha, yan-niha i gima'yu'us katoliko ti put i pinayon-niha ha', lao yan-niha sa' ti gof mappot luma'la katoliko giya Guahan. Guaha meggai na areklamento gi i gima'yu'us, lao ti manstriku. Guaha misa, gupot yan dinana' siha, ya este i Chamorro ma gof gogosa. Achokka' mumosmisa hao un biahi kada sakkan, katotoliko ha'. Ya gaigaige ha' i kustumbre siha achokka' tataigue ha' hao gi i gima'yu'us. I halacha' na yinaoyao gi gima'yu'us put i tinilaika siha desde un nuebu na gurupu umannok gi halom i gima'yu'us. Ti hu gof komprende i chi-na siha este na mimu. Lao hu tungo' na meggai manlinayo' put i bidada-na i Maga'obispo. Ti ha fa'taotaotao hun i taota