#Charlottesville
![Image](http://web.archive.org./web/20210913075200im_/https://3.bp.blogspot.com/-iu7SRfRdhjc/WaA9Lpp-Q6I/AAAAAAAANYo/Nr6cSaTXY3UZXtVrpx1eJ7dSoWkU1pmpQCLcBGAs/s400/58cfe19115a31.image.jpg)
Meggai malago' yu' bei sångan put si Donald Trump yan i sinangån-ña (yan håfa ti ha sångan lokkue') put i nina'triste giya Charlottesville. Fihu ilek-hu na ti hongge'on i bidadå-ña si Trump. Ya siempre ti siña ha ikak este na malabida pat este na eskareng. Lao atan ha', kulang un chatpago yan sen mutong na fafa'tinas milagro este na taotao. Sigi ha' ha na'långga yan na'manman yu', kada simåna. Meggai malago' yu' na bai hu sångan, lao ti nahong i ora på'go, guaha meggai otro cho'cho'. Lao este ha' malago' yu' na bei ensima gi kombetsasion. Gof na'chalek yan "ironic" na i manapå'ka, ko'lo'lo'ña i manracist, fihu ma såsangna na manchenglong i manminorities gi i manma'pos na tiempo. Gi fino' Ingles, "they are stuck in the past." Ma sångan este, sa' i manAfrican Amerikanu par otr ti apå'ka na råsa siha, guaha ma keketulaika gi halom i Estådos Uni