Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Donderdag, 19 Augustus 2021 Hier is tans 99 639 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Zimbabwiese nasionale krieketspan (Engels: Zimbabwe national cricket team), met die bynaam The Chevrons, is die nasionale krieketspan wat Zimbabwe in internasionale wedstryde verteenwoordig. Dit word beheer en geadministreer deur Zimbabwe Krieket (ZC, van Engels: Zimbabwe Cricket), voorheen bekend as die Zimbabwiese Krieketunie (Zimbabwe Cricket Union, ZCU). Zimbabwe is, na Suid-Afrika, die tweede volle lid van die Internasionale Krieketraad (IKR) in Afrika en het sedert 1992 toets- en Internasionale eendagwedstryd-status (EDI). Zimbabwe is tans (Augustus 2021) tiende op die IKR-toetsranglys, dertiende op die eendagranglys, en elfde op die Twintig20-wêreldranglys.

Zimbabwe het al aan nege krieketwêreldbekertoernooie deelgeneem, met hul beste prestasie in 1999 en 2003, waar hulle die Super 6 gehaal het. In 2003 het Zimbabwe, saam met Suid-Afrika en Kenia, die eerste krieketwêreldbekertoernooi in Afrika aangebied. Hulle het tot dusver ook aan vyf T20I-wêreldbekertoernooie deelgeneem, maar nog nie verder as die groepfase gevorder nie. Zimbabwe het ook al aan vyf Kampioentrofeë deelgeneem en in 2000 hul beste verskyning gemaak, toe hulle tot die kwarteindrondte gevorder het; in onlangse jare het hulle egter nie meer vir dié toernooi gekwalifiseer nie, omdat hulle nie meer onder die agt beste spanne in die IKR se EDI-ranglys is nie.

Weens Zimbabwe se swak ekonomiese en politieke stabiliteit in onlangse jare het die Zimbabwiese nasionale krieketspan agteruitgegaan, veral omdat belangrike spelers dié land verlaat en teenstanders weens veiligheidkwessies weier om in Zimbabwe te speel. Dit lei tot ’n gebrek aan beide ervaring en kundigheid, waarvolgens Zimbabwe nie meer kan meeding met lande wat elke jaar baie krieketwedstryde speel nie. Hul laagtepunt was die opskorting deur die IKR in 2019, maar Zimbabwe is intussen weer gerehabiliteer. Intussen is Zimbabwe deur Namibië as tweede beste span in Afrika, na die Proteas, verbygesteek.

...lees verder

In die nuus

Rwandese en Mosambiekse magte herower die stad Mocímboa da Praia, die laaste rebellevesting in die provinsie Cabo Delgado.
Suid-Afrika se nasionale rugbyspan, die Springbokke, wen die toetsreeks teen die Britse en Ierse Leeus met 2–1.
Tydens die 44ste sessie in Fuzhou, Volksrepubliek China, lys Unesco onder andere Františkovy Lázně, Karlovy Vary, Mariënbad, Baden-Baden, Bath, Darmstadt se Mathildenhöhe, Padua se 14de-eeuse fresco-siklusse, Quanzhou se Emporium van die wêreld in Song-Yuan China, die SchUM-stede Mainz, Speyer en Worms, rotstekeninge rondom die Onegameer en die Witsee, Nice as hoofstad van Riviera-toerisme, Bologna se portieke en die werk van Jože Plečnik in Ljubljana as 'n mensgesentreerde stedelike ontwerp as nuwe wêrelderfenisgebiede.
Liverpool se Liverpool Maritime Mercantile City (Maritieme Handelsstad Liverpool) is van sy status as Unesco-wêrelderfenisgebied ontneem.
Twee dae voor die amptelike openingseremonie van die Spele van die XXXIIste Olimpiade in Tokio, Japan, is die Australiese stad Brisbane deur die Internasionale Olimpiese Komitee as gasheer van die Olimpiese Somerspele 2032 aangewys.

Het u geweet...

... dat daar reeds in 1951 aan die Woordeboek van die Afrikaanse Taal begin werk is? Dit is die grootste woordeboek wat Afrikaanse woorde beskryf en is steeds nie voltooi nie.

... dat die Lae Lande deur 'n kaart wat soos 'n leeu lyk voorgestel kan word? Die Leo Belgicus is 'n gestileerde kaart van wat die Nederlande in die vorm van 'n leeu uitbeeld en die eerste weergawe is reeds in 1583 geskep.

Vandag in die geskiedenis

19 Augustus: Gedaanteverandering van Jesus (Oostelike Christendom); Onafhanklikheidsdag in Afghanistan (1919).

1894 – Die Franse motorontwerper André Lefèbvre (2CV/"Ente", Citroën DS) word gebore.
1940 – Tweede Wêreldoorlog: In Oos-Afrika word Brits-Somaliland aan Italië afgestaan ná die inval wat op 4 Augustus begin het.
1942 – Tweede Wêreldoorlog: Geallieerde magte, meestal Kanadees, val Dieppe, Frankryk, binne in die Dieppe-inval.
1953 – A.L. Geyer lewer 'n praatjie by die Rotariërklub in Londen om te verduidelik hoekom apartheid "die beste" beleid vir alle rasse in Suid-Afrika is.
1968 – Nigeriese federale troepe val veelvuldige teikens in Biafra aan en 2 000 mense sterf na bewering in die gepaardgaande bloedbad.
1989 – Tydens die Paneuropese Piekniek vlug meer as 600 burgers van die Duitse Demokratiese Republiek (DDR) met Hongaarse ondersteuning na die Weste – die begin van die einde van die DDR.
1991 – In die mislukte Sowjet-staatsgreeppoging van 1991 deur Kommunistiese konserwatiewe elemente, word aangekondig dat Michail Gorbatsjof siek is en van sy amp as president onthef is.