Ech câtiau Couchy (in franchoés : le château de Coucy) ch'est un câtiau qu'i s'treuve à Couchy-Câtiau-Aufrique dins l'Aînne. Il étoét avant 1917 ch'pus haut câtiau janmoais bati dins ch'monde, sin gros donjon i foaisoét 56 mètes ed hauteur, moais il o 'tè bersillè avuc d'el dinamite per ches Almands in mars 1917.
Avant l'Prunmière Dgère Mondiale, ech câtiau Couchy il étoét ch'troésième monumint pus visitè in Franche.
Eugène Viollet-le-Duc, invoéïè per echl'Impéreus Napoléon III, il avoét por mission d'restaurer un molet ch'câtiau et pis d'ind foaire pusiurs portroaits.
Conme echl'Impéreus il vouloét rfoaire un câtiau por sn'usache à li, il o dmandè à Viollet-le-Duc ed coésir un câtiau à restaurer. Aprés avoér granmint hésitè, Viollet-le-Duc il o coési d'erfoaire ch'câtiau Pierrefonds, mînme si qu'i pinsoét qu'Couchy puvoét dvénir unne sorte ed Carcassonne d'ech Nord si qu'os l'restaurroét. Finalmint, ech bersillache d'ech gros donjon, d'ches quates grossés tours d'angue, d'el grand Porte Laon pis d'toute el vile Couchy-Câtiau-Aufrique i vo intraver chu porjet.
Inhui, os peut toudis vir ches grossés ruinnes impressionnantes d'ech câtiau et pis ches rimparts bien conservès et fort hauts d'el vile Couchy-Câtiau-Aufrique, el Porte Laon al est in rconstruction dpis queuques ainnèes por ète erfoaite intirmint, chu travail i vo durer 10 ans.
- Ind lire pus...
- Vou perticipacion à chèle page-lo a sroét granmint apréchièe !
|
- Ech Picard, ch'est unne lingue d'oïl qu’o pus d’un mil ans avuc granmint d’dialecs (anmiennoés, vimeu, vermindoés, bieuvaisis, chti, hénau, etc.) et pis dins ches patoés (o parlers) y o étou ches variantes avuc ches vilaches qui parltte à leu mode.
- Tous chés sonneux
- Ch’est des gobeux.
- Ch’confitebor
- Godaille coèr pus fort.
- Un jour varo
- Qu’o les peindro.
- Alleluia !
- ...el prouvinche d'ech Kébec al o pus d'8 millons d'gins ?
|