The Battle of Dragons and Eagles
The second installment of The Hobbit trilogy The Desolation of Smaug will be out soon. Manggof excited ham yan i famagu'on-hu. Hu konne' i dos-hu para in egga' i fine'nina na mubi gi i ma'pos na sakkan. Sen yan-mami! Esta kana un sakkan in nanaggan i nuebu. Gof magof Si Sumahi put este na nuebu sa' siempre u annok Si Smaug. Gi i fine'nina na mubi kalang nina'desganao i dos-hu nu i ti mismo umannok-na Si Smaug. Ilek-na Si Sumahi, ti ayugue Si Smaug ayu i anineng-na ha'!" pat "Ti ayugue Si Smaug, ayu i atadok-na!" Para Si Akli'e' mas magof gui' sa' u taigue Si Gollum gi i nuebu na Hobbit na mobi. Sen ti ya-na Si Akli'e' Si Gollum. Kada ha hungok gui', kada ha li'e' gui', nina'fugu ya guaha nai malagu gui' lokkue'. Anai in egga' i fine'nina na mubi gi i fanegga'an, gigon ha ripara Si Gollum malagu para un otro luchan ta'chong yan umattok. Anai hu kombida gui' tat