(ޏ. ފުވައްމުލައް ސިޓީ) ރާއްޖޭގެ އެންމެ ދެކުނުގައި އޮންނަ ދެ ސިޓީގެ ތެރެއިން ފުވައްމުލަކު ސިޓީއަކީ ފަހުރުވެރި ސަގާފަތެއް ލިބިފައިވާ ތަނެކެވެ. އާދަކާދައިގެ ގޮތުން ދިވެހިން އިހުގައި އުޅުނު ކަންކަން ދާދިފަހަކާ ޖެހެން ދެން އެއްޖީލުން އަނެއް ޖީލަށް ވާރުތަކޮށް ދިނުމުގައި މި ރަށު މީހުން ކުރި މަސައްކަތަކީ ފާހަގަކޮށްލެވޭ މަސައްކަތަކެވެ. އެކަމުން ދައްކުވައިދެނީ ކާބަފައިން ލޯތްބާއެކު ޖީލުތަކަށް ވާސިލްކޮށްދިން އަގު ބޮޑު އާދަކާދައެވެ. މި ސިޓީގެ އާދަކާދައިގެ ތެރެއިން ވަރަށް ފޯރިއާ އެކު ކޮށް އުޅުނު ކަމެއް އޮވެއެވެ. އެއީ ގަނޑު މާލޫދު ކިޔުމެވެ. މި ރަށުގެ އިސް ރަށްވެހިންނާ ވާހަކަދައްކާލުމުން އެނގެނީ އޭގެ ތެރެއިން ގިނަ މީހުންގެ ޅަ ދުވަސްވަރުގެ ހަނދާންތަކުގެ ތެރޭގައި…