1944

Un article de Wikipèdia, l'enciclopèdia liura.
Salta a la navegació Salta a la cerca

1944

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans :
1941 1942 1943  1944  1945 1946 1947

Decennis :
1910 1920 1930  1940  1950 1960 1970
Sègles :
Sègle XIX  Sègle XX  Sègle XXI
Millennis :
Millenni I  Millenni II  Millenni III

Cronologia mesadièra :
Gen - Feb - Mar - Abr - Mai - Junh
Julh - Ago - Set - Oct - Nov - Dec

Cronologias tematicas :
Aeronautica • Arquitectura • Automobila • Benda dessenhada • Camins de fèrre • Cinèma • Drech • Economia • Fotbòl • Literatura • Musica • Santat e medecina • Sciéncia • Sociologia • Espòrt • Teatre • TV

Autres calendièrs :
Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1944 del calendièr gregorian.

Eveniments[modificar | modificar la font]

Occitània[modificar | modificar la font]

França[modificar | modificar la font]

Adopcion dau drech de vòte femenin par la Comitat francés de Liberacion nacionala (21 d'abriu) que foguèt confirmada per una ordonància dau GPRF lo 5 d'octòbre.

Euròpa[modificar | modificar la font]

Debanament de la Segonda Guèrra Mondiala sus lo continent europèu de 1942 a 1945.

Alemanha[modificar | modificar la font]

Fotografia de la seleccion dei Josieus ongrés a son arribada dins lo camp d'Auschwitz.
Fotografia dei presoniers alemands dau camp de Buchenwald.

L'annada confiermèt lei resultats de 1943 : l'Axe èra plus capable de ganhar la guèrra e l'equilibri relatiu de l'annada precedenta se rompèt en favor de la Granda Aliança. Ansin, la Wehrmacht, en despiech d'una resisténcia acarnada e sovent ben organizada, poguèt plus menaçar leis armadas aliadas. Dins aqueu contèxte de desfacha pròcha, lo caractèr racista dau regime s'afiermèt mai e Hitler ordonèt una acceleracion de sa politica d'exterminacion dei « raças inferioras ». De mai, ordonèt l'organizacion de la desfacha dei frontieras dau Reich dins l'encastre d'una guèrra raciala còntra leis « òrdas de l'Èst ». Ansin, gràcias a la man d'òbra captiva e a l'esfòrç de racionalizacion menat per Albert Speer, Alemanha poguèt contuniar de resistir fins a 1945.

Article detalhat : Batalha de Normandia.

Dins aquò, militarament, la situacion se compliquèt en Euròpa Occidentala. En Itàlia, après de combats violents dins la region de Monte Cassino (17 de genier - 19 de mai), leis Aliats rompèron lo frònt italian e ocupèron Roma (4 de junh). Pasmens, mau capitèron de destrurre lei fòrças alemandas que capitèron de se restablir lòng de la Linha Gotica. Sustot, lo meteis mes, leis Aliats capitèron de desbarcar en Normandia. Après una batalha saunosa (6 de junh - 29 d'aost), capitèron de prendre la region e menacèron d'enceuclar plusors armadas alemandas. La Wehrmarcht deguèt alora se retirar vèrs l'èst e abandonar la màger part de França, especialament après lo desbarcament de Provença que menaçava d'enceuclament lei fòrças desplegadas lòng dau litorau. En particular, lo 25 d'aost, París foguèt liberat. Lei soudats alemands capitèron de se restablir lòng de la frontiera occidentala dau Reich e dins lei País Bas onte arrestèron una operacion aeroportada còntra Ruhr (operacion Market Garden).

Article detalhat : Operacion Bagration.

Se la situacion èra marrida sus lo frònt occidentau, venguèt rapidament catastrofica a l'Èst. D'efèct, après divèrsei succès, coma la levada dau sètge de Leningrad qu'aviá causat de milions de mòrts, liats a son ofensiva de la fin de 1943, lei Sovietics comencèron l'operacion Bagration lo 22 de junh. A l'origina, l'ofensiva èra una diversion en Bielorussia mai lei defensas alemandas d'aqueu sector, minadas per la manca de mejans e leis accions dei partisans, s'afondrèron. Fins au 19 d'aost, aquò entraïnèt la destruccion dau Grop d'Armadas Centre e la pèrda totala de 25 divisions. Lei Sovietics agantèron Vistula e lei frontieras de plusors aliats d'Alemanha. En setembre, Romania cambièt de camp e jonhèt lei rengs deis Aliats obligant la Wehrmacht d'abandonar la màger part dei Balcans. Bulgaria l'imitèt rapidament. En revènge, Alemanha capitèt d'ocupar solidament Ongria.

Après aqueu succès, lei Sovietics, durament tocats per lei còntra-atacas alemandas en Polonha, laissèron lei SS anientar l'insureccion de Varsòvia, çò que li permetèt d'eliminar l'oposicion de la resisténcia polonesa non comunista. Puei, après una pausa, comencèron leis ofensivas dirèctas còntra Alemanha e Ongria. En particular, lo 29 de decembre, lei Sovietics ataquèron en direccion de Budapèst.

Article detalhat : Olocaust.

Regardant la politica d'exterminacion dei pòbles « inferiors » per leis Alemands, l'annada foguèt marcada per la fin de la liquidacion dei guètos josieus de Polonha e l'exterminacion fòrça rapida de la màger part dei Josieus d'Ongria après l'ocupacion dau país per la Wehmarcht. Ansin, dins lo corrent de l'estiu, lo camp d'Auschwitz conoguèt « l'apogèu » de son foncionament amb aperaquí 400 000 Ongrés tuats en 56 jorns entre lo 15 de mai e lo 8 de julhet. En parallèl, l'exterminacion deis Eslaus contunièt mai lo ritme demeniguèt un pauc car lo Reich aviá besonh de man d'òbra per sostenir son esfòrç de guèrra. Per exemple, « solament » 700 000 presoniers sovietics foguèron ansin executats entre 1942 e 1944.

Union Sovietica[modificar | modificar la font]

Soudats sovietics avançant dins una carriera de Lviv.

Après tres annadas de guèrra, l'an 1944 confiermèt l'avantatge militar sovietic aquistat en 1943. D'ara endavant, la Wehrmacht, en despiech de la superioritat de son armament e de sa formacion, podiá plus menaçar l'Armada Roja.

Article detalhat : Ofensiva Dnièpre-Carpats.

D'efèct, perseguida de l'ofensiva ivernenca de l'Armada Roja acomençada lo 18 de decembre de 1943. Au nòrd, lei Sovietics avancèron de 200 km en direccion de Narva e de Pskov (genier). Au sud, Bug e Dniestr foguèt passats dins lo corrent de febrier e de març e de fòrças sovieticas intrèron dins la Galícia Polonesa onte menacèron la vila de Lviv. Lo front s'estabilizèt vèrs lo 15 d'abriu après lei presas d'Odessa e de Ternopol que permetèron d'acabar la liberacion d'Ucraïna. En Crimèa, Sebastopòl foguèt a son torn liberada lo 9 de mai.

Article detalhat : Operacion Bagration.

Puei, lei Sovietics organizèron una ofensiva parallèla au desbarcament aliat de Normàndia. Acomencèt lo 23 de junh en Bielorussia e permetèt a l'Armada Roja de reconquistar Minsk (3-11 de julhet), d'intrar en Polonha, de conquistar Lublin (24 de julhet), Brèst-Litovsk (28 de julhet) e d'agantar la Prússia Orientala (30 de julhet). Aquela campanha foguèt la desfacha pus importanta d'Alemanha dins lo corrent de la Segonda Guèrra Mondiala. D'efèct, tot lo centre de son armada s'afondrèt entraïnant l'enceuclament de sei fòrças septentrionalas dins lei regions balticas e la retirada precipitada de sei tropas dei Balcans. Sus un front de 1 000 km, l'avançada sovietica agantava 600 km. D'ara endavant isolada, Finlàndia deguèt demandar un armistici lo 19 de setembre. En revènge, Stalin refusèt d'ajudar l'insureccion de Varsòvia (1èr d'aost - 2 d'octòbre) que foguèt finalament anientada per leis Alemands.

En Euròpa Centrala e dins lei Balcans, leis aliats d'Alemanha assaièron d'abandonar lo conflicte. Romania e Bulgaria i capitèron mai leis autoritats localas s'afondrèron rapidament en fàcia de còps d'estat comunistas. Lei dos país declarèron alora la guèrra ais Alemands. En revènge, en Ongria onte la preséncia alemanda èra encara poderosa, Hitler poguèt ordonar l'invasion dau país. L'amirau Horthy foguèt arrestat e leis Alemands concentrèron de tropas importantas per defendre Budapèst atacada en decembre. Enfin, tot lo sud dei Balcans foguèt liberada per d'ofensivas dei tropas iogoslavas menadas per Tito. Belgrad foguèt ansin presa lo 20 d'octòbre. Pasmens, dins lo nòrd, Croàcia capitèt de resistir.

Asia[modificar | modificar la font]

China[modificar | modificar la font]

Après d'annadas d'inaccion relativa, lei Japonés organizèron una ofensiva generala còntra lo sector sud dau frònt chinés en abriu. Dicha operacion Ichi-Go, l'ataca durèt fins a la fin de l'annada. L'objectiu èra d'ocupar lei basas estatsunidencas dau sud-oèst de China qu'èran utilizats per leis Estatsunidencs per bombardar Japon. En abriu e en mai, lei Japonés ataquèron donc lei tropas chinesas cargadas de protegir la posicion estrategica de Luoyang que deguèron se retirar. Puei, dins lo corrent de mai, ataquèron e ocupèron lei vilas de Changsha, de Hengyang, de Guilin e de Liuzhou.

A la fin de l'annada, l'armada imperiala aviá donc ocupat un important territòri suplementari. Pasmens, dins lei fachs, lei territòris tenguts per lei Nipons en China èran desenant tròp importants per sei capacitats d'ocupacion e d'avitalhament. Ansin, tre la fin dau mes de decembre, l'armada japonesa comencèt de faciar de dificultats grèvas en China.

Arts[modificar | modificar la font]

Sciéncias e tecnicas[modificar | modificar la font]

Armament[modificar | modificar la font]

Fotografia d'un Sturmgewehr 44, premier fusiu d'assaut vertadier.

Dins l'encastre de la Segonda Guèrra Mondiala e de la recèrca d'armaments novèus, de progrès importants foguèron realizats dins lo corrent de l'annada :

Astronomia[modificar | modificar la font]

Publicacion de la premiera carta radioelectrica dau cèu de la galaxia nòstra per Grote Reber (1911-2002). Aquò marquèt lo començament de la radioastronomia que venguèt una disciplina importanta, especialament per l'observacion d'objèctes malaisats d'observar dins lo domeni vesedor.

Economia[modificar | modificar la font]

Naissenças[modificar | modificar la font]

Decèsses[modificar | modificar la font]

Prèmi Nobel[modificar | modificar la font]



Commons-logo.svg

Wikimedia Commons prepausa de documents multimèdia liures sus 1944.

Recuperada de « https://oc.wikipedia.org/w/index.php?title=1944&oldid=2154866 »