މާލޭގައި އިއްޔެ ރޭ ހިނގި އެކްސިޑެންޓެއްގައި ލިބުނު އަނިޔާތަކަށް ފަރުވާދެމުން ދަނިކޮށް ނިޔާވި އައިޝަތު ނަޒްރާ (ނަޒޫ)ގެ މަރާއި އެކު އޭނާގެ އެކުވެރިންނާއި އާއިލާ އަށް ލިބުނީ ކުއްލި ސިހުމަކާއި ފުން ހިތާމައެކެވެ. ޅ.ހިންނަވަރަށް ނިސްބަަތްވާ، އުމުރުން އެންމެ 24 އަހަރުގެ ނަޒޫ ހިނދިކޮޅެއްގެ ތެރޭގައި މި ދުނިޔެ އާއި ވަދާއުކީ، މަރު އެއީ ކޮންމެ މީހަކާއި ވެސް އެންމެ ގާތުގައި ވާ ކަންތައްކަން ހަނދާންކޮށްދެމުންނެވެ. ހަގު އުމުރުގައި ދުނިޔެ އާއި ވަދާޢުކިޔަން ޖެހުނު ނަޒޫއަކީ ސާދާ ހިނިތުންވުމެއްގެ ވެރިއެކެވެ. ނަންހާމަކުރަން ބޭނުން ނުވާ ނަޒޫގެ އެކުވެރިޔަކު "ވަގުތު" އަށް މައުލޫމާތު ދެމުން ބުނީ ނަޒޫއަކީ އެންމެން ހެއްވާލަދޭން މަސައްކަތް ކުރި، ހިތްހެޔޮ މިޒާޖެއްގެ މީހެއް…