މޮޅު ހުނަރުތައް ލިބި، އޭގެ ބޭނުން ވަރަށް ފުރިހަމަ ގޮތުގައި ހިފާ ޒުވާނުން އެބަތިއްބެވެ. އެފަދަ ޒުވާނުންގެ މިންނެތް މަސައްކަތް ދައްކާލުމަށް މިއަދު މީސް މީޑިއާ ބޭނުންކުރާ އިރު، މި ޒުވާނުންގެ މަސައްކަތްތައް ބަލައިގަންނަ އެތައް ބަޔަކު އެބަ ތިއްބެެވެ. މި ހުނަރުވެރިކަމާއި އަތްތެރި މަސައްކަތްތަކުން ދައްކާލި އެކަކީ ރ.ހުޅުދުއްފާރު، ކުރިކީލަގެ، އުމުރުން 28 އަހަރުގެ އަބްދުﷲ ޝާފިއުއެވެ. ޝާފިއުއަކީ ރާއްޖޭގެ އާސާރީ ބައެއް ބިނާތަކުގެ މޮޑެލްތައް ހަދައި އެތައް ބައެއްގެ ސަމާލުކަން ހޯދި ޒުވާނެކެވެ. މަދު ދުވަސްކޮޅެއްގައި އެތައް ބައެއްގެ ސަމާލުކަން އޭނާ އަށް ލިބިގެން ދިޔައީ ޔަގީނުންވެސް އޭނާގެ ހުނަރުވެރިކަމުން އަންތަރީސްކޮށްލާފައެވެ. މޯލްޑިވްސް ކަރެކްޝަނަލް ސަވިސްގައި މަސައްކަތްކުރާ ޝާފިއުގެ މަސައްކަތްތައް މަދު ދުވަސްކޮޅެއްގެ…