ཁོངས་མིང་ཐོ་འགོད་དང་བར་སྟོང་ཉོ་ཐབས།

ཁོངས་མིང་ཟེར་བ་དེ་ནི་དུས་རྒྱུན་ང་ཚོས་འབོད་བཞིན་པའི་དྲ་གནས་ཟེར་བ་དེ་རེད། དཔེར་ན་ངེད་དྲ་ཚིགས་ཀྱི་ཁོངས་མིང་ནི་ tibetitw.com ལྟ་བུ། དྲ་ཚིགས་ཤིག་ལ་མཚོན་ན་མེད་དུ་མི་རུང་བ་ནི་ཁོངས་མིང་དང་བར་སྟོང་ངམ་ཞབས་ཞུ་འཕྲུལ་ཆས་གཉིས་ཡིན། ཁོངས་མིང་དེ་བར་སྟོང་དང་སྦྲེལ་བཀྱིག་བྱས་པ་ན་ད་གཟོད་དྲ་ཚིགས་ལ་བཅར་འདྲི་བྱེད་ཐུབ་པ་ཡིན།

ད་ལྟ་ངེད་དྲ་བས་ཁོངས་མིང་ཐོ་འགོད་ཀྱི་ལས་ཀ་གཉེར་བཞིན་ཡོད་ལ་བར་སྟོང་ངམ་ཞབས་ཞུ་འཕྲུལ་ཆས་ཀྱང་གླ་རྒྱུ་ཡོད།

ཐོག་མར་དྲ་ཚིགས http://host.tibetitw.com/ འདིའི་ཁ་ཕྱེ་ནས་སྤྱོད་མཁན་མིང་ཞིག་ཐོ་འགོད་བྱེད་པ།

རྟགས་དམར་པོ་བརྒྱབ་ཡོད་པ་དེ་མནན་ནས་ཐོ་འགོད་བྱེད་པ།

འདིའི་ཁྲོད་ཀྱི་དང་པོ་དེར་སྤྱོད་མཁན་མིང་བླུགས་དགོས་ཤིང་སྤྱིར་བཏང་དབྱིན་ཡིག་གི་གསལ་བྱེད་དང་ཨང་ཀི་སོགས་འབྲི། རིགས་གྲས་ཟེར་བ་དེར་ཁེ་ལས་སམ་ཚོགས་པ་ཡིན་ན་སྔོན་མ་དེ་འདེམས་པ་དང་མི་སྒེར་ཡིན་ན་རྗེས་མ་དེ་འདེམས་དགོས། ཚན་པ་གསུམ་པ་དང་བཞི་བ་དེར་ཁྱེད་རང་རྒྱ་ཡིག་གི་མིང་འབྲི་དགོས། ཚན་པ་ལྔ་བ་དང་དྲུག་པ་ནི་གསང་ཨང་འབྲི་ས་ཡིན།

འདིའི་ཁྲོད་ཀྱི་ཚན་པ་དང་པོ་ནི་རྒྱལ་ཁབ་ཀྱི་ཚབ་ཨང་འབྲི་ས་ཡིན་ལ་ཀྲུང་གོ་ཡིན་ན CN བླུགས་ན་འགྲིག ཚན་པ་གཉིས་པ་ནི་ཞིང་ཆེན་འདེམས་ས་ཡིན། གསུམ་པ་ནི་གྲོང་ཁྱེར་དང་བཞི་པ་ནི་སྦྲགས་ཨང་། ལྔ་བ་ནི་ས་གནས་བཅས་འབྲི་ས་ཡིན་ལ་འདི་གསུམ་མ་བྲིས་ཀྱང་ཆོག དྲུག་པ་དང་བདུན་པ་ནི་ཁ་པར་ཨང་གྲངས་འབྲི་ས་ཡིན། བརྒྱད་པ་ནི་ཡིག་ཟམ་དང་དགུ་བ་ནི་ཁྱེའུ་འཕྲིན་ཨང་གྲངས་བླུགས་ས་ཡིན།