Сёння!

Сябры, хто зарэгістраваўся на мерапрыемства, чакаем вас з радасцю.
І закрываем рэгістрацыю, бо месцы ўжо ўсе заняты.

Да сустрэчы 18 снежня а 18.00

Каб мець увасабленне аб "Дарожка мая.." Івана Кірчука - рэпартаж з Пінску
https://youtu.be/pRXVu9ficfo
Чакаем вас з адкрытым сэрцам 18 снежня

Іван Кірчук і праект "Добрыя жарты"
#добрыяжарты

18 снежня. Палац мастацства, г. Мінск.
На прэзентацыі мастацкага календара "Добрыя жарты"
Іван Кірчук, заснавальнік і лідэр легендарнага Этна-трыо «Троіца», прэзентуе монаспектакль “Дарожка мая…” – адмысловую аўтарскую праграму, вынік 35цігадовай творчай дзейнасці.
Показать полностью…

На сцэне імправізацыйна прагучаць каля 20 беларускіх народных песень, можна будзе ўбачыць і пачуць мноства музычных інструментаў з калекцыі Івана Кірчука. Пачуеце беларускія смык і ліру, сібірскія гуслі і металічныя пласціны Сціва Хаббэка, чаны з Тыбета і Непала, разнастайныя дудкі, жалейкі, акарыны, маладзечанскі касцельны звон, нават простыя камяні і капыткі коз будуць гаварыць з вамі на чароўнай мове спрадвечных гукаў...

Вы станеце ўдзельнікам сапраўднай тэатралізаванай таямніцы, якая набліжае да разумення глыбінных сэнсаў чалавечага жыцця, што ўвасобіліся ў нашых старадаўніх абрадах і святах.

Уваход вольны. Рэгістрацыя абавязковая. Колькасць месцаў абмежавана!
https://docs.google.com/forms/d/e/1FAIpQLSe_izf8ggcw3..
#добрыяжарты

Для таго, каб падрыхтаваць Добрыя жарты, спецыялісты Мінскага клубнага дома “Адкрытая душа”, разам з наведвальнікамі цэнтра, прачыталі каля 8 000 беларускіх прыказак, з кніг даследчыкаў і сеціва, абралі з гэтых прыказак некалькі дзесяткаў найбольш цікавых, асэнсавалі іх і прадумалі варыянты сюжэтаў для ілюстрацый.

Пасля гэтага пачалася праца асобна з мастачкай Таццянай Быц, разам з якой былі абраныя самыя цікавыя сюжэты, а таксама прапанаваныя розныя варыянты рашэння календара.

У прэзентацыі праекта “Добрыя жарты” будзе прымаць Іван Іванавіч Кірчук, заснавальнік этна-трыа “Троіца”.

18 снежня, а 18й гадзіне, на пляцоўцы “ZALA#2”, што ў Палацы мастацтваў, адбудзецца монаспектакль “Дарожка мая”- вынік 35-гадовай дзейнасці ў вывучэнні беларускага народнага фальклору і побыту.
#добрыяжарты

У Беларусі жывуць дзіўныя людзі. Нашыя дзяды і прадзеды, бабулі і прабабулі перажылі цяжкія часы і назапасілі багатую духоўную спадчыну. Важнае месца ў гэтай спадчыне займаюць народныя прыказкі.
Гэта скарбніца мудрасці нашых продкаў, выяўленая ў часта жартаўлівай, але тонкай, ненадакучлівай і адначасова яркай форме. Такая мудрасць здольная прымусіць задумацца і ўзняць настрой.
Показать полностью… Мы сабралі вясёлыя і яркія беларускія прыказкі і аб’ядналі іх з ілюстрацыямі, выкананымі ў незвычайным стылі, які спалучае ў сабе авангард і народныя матывы.

“Добрыя жарты” – так называецца праект, спонсарам якога стала кампанія А1 https://www.a1.by/be/

У распрацоўцы гэтага календара ўдзельнічалі людзі з няпростым лёсам – наведвальнікі цэнтра рэабілітацыі для людзей з разладамі псіхікі Мінскі клубны дом “Адкрытая душа” opensoul.by.

Спадзяемся, што каляндар з добрым настроем і каштоўнымі мудрасцямі нашага народа стане вашым цікавым спадарожнікам не толькі ўвесь год, але і надалей па жыцці.

Ілюстрацыі да праекта выканала беларуская мастачка Таццяна Быц. Асабістыя падзякі арганізатараў праекта – Івану Іванавічу Кірчуку (этна-трыё “Троіца”).
#добрыяжарты