Category: Science

მეცნიერებმა, პირველად შეძლეს სინათლის ბგერის სახით შენახვა

მკვლევარებმა სიდნეის უნივერსიტეტიდან შეძლეს, სინათლის ტალღით გადატანილი ინფორმაციის ბგერით ტალღად გარდაქმნა მიკროჩიპში. ეს პირველი პრეცენდენტია.

ტექნოლოგიური გარღვევა უმნიშვნელოვანესია ინტეგრირებული ფოტონური წრედების შექმნაში, ეს პრინციპი კი მთავარია იმ ტიპის კომპიუტერებში, რომლებშიც მონაცემების შენახვისათვის ელექტრონის მაგივრად გამოყენებული იქნება სინათლე. წარმატების შემთხვევაში, ამ სისტემაში არ იქნება ისეთი პრობლემები, რომლებიც გვხვდება დღევანდელ მოწყობილობებში, ელექტრული ინტერფერირება, ასევე არ გამოიყოფა დიდი რაოდენობით სიმხურვალე და ეს სისტემა საკმაოდ ენერგოეფექტურია.

სინათლის გამოყენება ტელეკომუნიკაციაში ხდება იმ მიზეზის გამო, რომ ის სწრაფია, თუმცა ეს სისწრაფე მინუსია კომპიუტერული პროცესირებისას. Nature Communications-ის სტატიაში ნათქვამია, რომ მკვლევარებმა შეძლეს აეწყოთ ჩიპი, რომელიც ანელებს სინათლეს მისი ბგერით სიგნალებში გარდაქმნით.

“ინფორმაცია ჩვენს ჩიპში აკუსტიკური ფორმით, მოძრაობს ხუთი მაგნიტუდის რიგით დაბალ სიჩქარეზე ვიდრე ოპტიკურ წყაროებში”, განაცხადა პროექტის ერთ-ერთმა თანაავტორმა ბირგიტ სტილერმა. “ეს განსხვავება შეიძლება შევადაროთ, ჭექა და ელვას შორის სისწრაფის სხვაობას”.

სინათლე უკვე გამოიყენება ტელეკომუნიკაციაში, თუმცა როდესაც დენის წყაროდან მიმავალი სიგნალი მივა ჩვენს ელექტრონულ მოწყობილობებამდე, მონაცემები ელექტრონებს გადაეცემა. დღესდღეობით ბევრი ამ სფეროში მოღვაწე კომპანია იკვლევს ფოტონურ მიკროჩიპებზე გადასვლის შესაძლებლობებს.

ამ დრომდე მრავალი მცდელობა იყო თუმცა, არცერთი არქიტექტურული გადაწყვეტილება წარმატებული არ აღმოჩნდა. შესაძლოა, სწორედ ეს ახალი დიზაინი გახდეს ფოტონური კომპიუტერების რეალობად რეალობად ქცევის საფუძველი.

“ჩვენი სისტემა შეზღუდული არ არის მცირე გამტარუნარიანობით. ამიტომ წინა სისტემებისგან განსხვავებით, ეს ფაქტორი საშუალებას მოგვცემს ინფორმაცია შევინახოთ და სურვილისამებრ ამოვიღოთ ტალღის რამოდენიმე წყაროდან ერთდროულად, რაც თავისთავად გაცილებით ზრდის მოწყობილობის ეფექტურობას,” განაცხადა სტილერმა.

შესაძლოა მოწყობილობის გახურება, რიგითი მომხმარებლისთვის ყოველდღიური თავის სატკივარი არ იყოს, თუმცა ეს ფაქტორი უმნიშვნელოვანესია მათთვის ვისაც აქვს სერვერები ან ასევე სუპერკომპიუტერებისათვის. ფოტონურ კომპიუტერებზე გადასვლა ამ პრობლემას გაცილებით შეამსუბუქებს.

“ეს არის მნიშვნელოვანი წინ გადადგმული ნაბიჯი ინფორმაციის ოპტიკური პროცესირების სფეროში, რადგან აღნიშნული მეთოდი სრულად აკმაყოფილებს დღევანდელ და ასევე მომავალი თაობის ოპტიკური კომუნიკაციების მოთხოვნებს,” დაამატა კვლევის თანაავტორმა, პროფესორმა ბენჯამინ ეგელოტმა.

მკვლევარების აზრით ფოტონური ჩიპები გახდება ხიდი დღევანდელ მოწყობილობებსა და მომავლის კვანტურ კომპიუტერებს შორის.

წყარო: IFL Science

Tags Architecture, Computers, Photon Computer, Quantum Computer, science

Science

NASA-იმ Cassini-ის მეშვეობით დანახული სატურნის ბოლო ფოტოები გამოაქვეყნა

NASA-ის საერთაშორისო ზონდმა “კასინი” (Cassini) რამოდენიმე დღის წინ დაასრულა სატურნის შესწავლის 13 წლიანი მისია და ჰეროიკულად დაიღუპა მისიის შესრულებისას, აპარატი დაიწვა გაზის გიგანტის ატმოსფეროში. მისი ასაკი 20 წელს აღწევდა.

“ხომალდმა ჩვენს მიერ დასახული ყველა მოთხოვნა შეასრულა, მონაცემებს ის ბოლო მომენტამდე აგზავნიდა”, – განაცხადა “კასინი”-ის პროექტის ხელმძღვანელმა ერლ მეიზმა.

NASA-ში ლეგენდარული კოსმოსური აპარატი აპლოდისმენტებით და ემოციებით გააცილეს – ამ ხომალდმა წლების მანძილზე ძალიან დიდი სამუშაო შეასრულა.

სააგენტომ გამოაქვეყნა სატურნის ბოლო ფოტოები, რომელიც გადაღებულია ზონდის დაღუპვამდე რამდენიმე საათით ადრე. ფოტოებზე, რომელიც მოცემულია ვიდეოში, ჩანს თუ როგორ “შთანთქავს” სატურნი ზონდს.

დედამიწაზე გადმოცემული ბოლო კადრი გახლავთ ეს:

Tags Astronomy, Cassini, NASA, NASA, Saturn, science, Space

Science

დამტკიცებულია, თანამედროვე ადამიანის ევოლუცია

ამერიკელმა ბიოლოგებმა კოლუმბიის უნივერსიტეტიდან გაარკვიეს, რომ ადამიანი ამ დრომდე ევოლუციონირებს. რამდენიმე ათწლეულის განმავლობაში აღმოჩნდა, რომ ბუნებრივი გადარჩევის შედეგად დაიწია იმ გენების სიხშირემ, რომელიც დაკავშირებულია თამბაქოს მოწევასა და ალცჰეიმერის დაავადებასთან, სპეციალისტები, მაშტაბური კვლევის შედეგად, მივიდნენ ასეთ დასკვნამდე. კვლევაში 150 ათასზე მეტმა ბრიტანელმა მიიღო მონაწილეობა. სტატია, კვლევის შესახებ, ჟურნალ PLOS Biology-ში გამოქვეყნდა.

მეცნიერებმა გენეტიკური მონაცემების, ორი წყების, ანალიზი მოახდინეს, ეს მონაცემები მათ ორი მაშტაბური კვლევისგან მიიღეს. პირველი წყება – Genetic Epidemiology Research on Adult Health and Aging —მა მოიცვა 57 ათასი ადამიანი, ხოლო მეორე – UK Biobank – 117 ათასი. ბიოლოგები იმ გენის ნაირსახეობას ეძებდნენ, რომელიც სიცოცხლისუნარიანობას აქვეითებს. ამერიკელი გენეტიკოსის, რიჩარდ ლევონტინის დასკვნით, ასეთი გენეტიკური ვარიაცა, რომელიც გავლენას ახდენს რეპროდუქციულ უნარზე, ყველაზე იშვიათად უნდა გვხვდებოდეს ასაკოვან ადამიანებში.

მკვლევარებმა იპოვეს ბუნებრივი გადარჩევის გავლენა და დაადგინეს გენებში კონკრეტული უბნების ცვლილებები. პირველ წყებაში ეს გენეტიკური ვარიაცია მდებარეობდა gen APOE-სთან ახლოს, რომელიც დაკავშირებულია ალცჰეიმერისა და გულ-სისხლძარღვთა დააავადებებთან. ერთ-ერთი მათგანის სიხშირე კლებულობდა ასაკის მიხედვით, 70 წელს გადაცილებულ ადამიანებში. UK Buibank-ის მონაცემთა ანალიზმა აჩვენა, რომ, რაც უფრო გვიან ასაკში გარდაიცვალა საკვლევი ობიექტის მამა , მით ნაკლებია მის შთამომავალში CHRNA3 გენის გამოჩენის ალბათობა. ეს გენი ადამიანში თამბაქოს ხშირად მოხმარებისას იჩენს თავს.

მეცნიერები თვლიან, რომ ბუნებრივმა გადარჩევამ დასწია მავნე გენი CHRNA3-ის სიხშირე 1%-ით ყოველ 20 წელიწადში. სხვა სიტყვებით, ამ დროის განმავლობაში ადამიანები ნაკლებად მოიხმარენ თამბაქოს. ასევე შემცირდა ალცჰეიმერის დაავადებით დაღუპულთა რიცხვი, რომელიც, როგორც წესი, ხანშიშესულ ადამიანებში იჩენს თავს . APOE გენის მავნე უჯრედები ქრება მისი მატარებლის გარდაცვალებასთან ერთად, ხოლო ჯანმრთელი გენები გადაეცემა შემდგომ თაობას.

Tags Biology, Gene, Medical, Nature, science, Smoking

Science

პრიზი 1 მილიონი დოლარი ამ საშუალო სირთულის თავსატეხის კომპიუტერული კოდით გადაწყვეტისათვის

მკვლევარებმა წმ. ენდრიუს უნივერსიტეტიდან განაცხადეს, რომ ნებისმიერი პროგრამისტი, რომეილც თავს გაართმევს ცნობილი “დედოფლის თავსატეხი”-ის კომოიუტერისათვის მარტივად გადაწყვეტის ალგორითმის პოვნას, შეძლებს მთელი IT ინდუსტრიის შეცვლას და ამასთან ერთად მიიღებს ამერიკის მათემატიკის ინსტიტუტის დაწესებულ ფულად პრიზს 1 მილიონი დოლარის ოდენობით.

დედოფლის თავსატეხი გულისხმობს შემდეგს: ჭადრაკის დაფაზე განათვსე რვა დედოფალი ისე, რომ არცერთ ორ დედოფალს არ შეეძლოს ერთმანეთის შეტევა, შესაბამისად არცერთი დედოფალი არ უნდა მოხვდეს ერთ სვეტზე, რიგსა თუ დიაგონალზე. თავსატეხი პირველად 1850 წელს შემოგვთავაზეს და შეიძლება ითქვას მისი გადაწყვეტა ნებისმიერ ადამიანს შეუძლია . (იხ სურათი სტატიის ბოლოს)

თუმცა კომპიუტერის შემთხვევაში საქმე რთულადაა, მას ამ ამოცანის მარტივად გადაწყვეტა არ შეუძლია. კომპიუტერი დღევანდელი ალგორითმის გათვალისწინებით, პრობლემის გადაჭრისას, გადის მისი გადაჭრის ყველა შესაძლო ვარიანტს, შესაბამისად რაც უფრო მეტი ვარიანტია მით მეტი დრო სჭირდება კომპიუტერს პასუხის მისაგნებად. Journal of Artificial Intelligence-ის სტატიის მიხედვით, მას შემდეგ რაც ჭადრაკის დაფა კომპიუტერული კალკულაციისას ხდება 1,000 უჯრა 1,000 უჯრაზე მას უკვე ამ ამოცანასთან გამკლავება უბრალოდ აღარ შეუძლია.

“თუ თქვენ შეძლებთ კომპიუტერული პროგრამის დაწერას, რომელიც ამ თავსატეხს ძალიან მალე გადაჭრის, შემდგომ ამ მეთოდის ადაპტირება სხვა ძალიან მნიშვნელოვანი პრობლემების გადასაწყვეტად იქნება შესაძლებელი, რომელიც თითოეულ ჩვენთაგანს ყოველდღიურად გვეხება” ამბობს ავტორი იან გენტი განცხადებაში.

“პროგრამის მეშვეობით, შესაძლებელი იქნება ისეთი ტრივიალური გამოწვევების გადაწყვეტა, მაგალითად როგორიცაა, თქვენი ფეისბუქ მეგობრების ყველაზე დიდი ჯგუფის გამოვლენა რომელიც ერთმანეთს არ იცნობს ან ისეთი ძალიან მნიშვნელოვანი გამოწვევა, როგორიცაა იმ კოდის გატეხვა, რომლის მეშვეობითაც, ჩვენს ონლაინ ტრანზაქციების უსაფრთხოებას ვინარჩუნებთ”.

ეს კონკრეტული მაგალითი ცნობილი კომპიუტერული პრობლემის, “P versus NP” -ის ვარიაციაა. ამ პრობლემის არსი შემდეგია: შესაძლებელია, თუ არა ნებისმიერი იმ პრობლემის სწრაფი გადაწყვეტა, რომლის იდენტიფიცირებაც მციერ დროში ხდება? მაგალითად, თუ თქვენ გეტყვიან, რომ იპოვოთ ციფრი 4,199 გამყოფები ამისათვის საკმაო დრო დაგჭირდებათ. თუმცა იმის დადგენა, რომ 4199 იყოფა მხოლოდ 13, 17 და 19-ზე საკმაოდ მარტივია (ასევე 1 და თავისი თავი).

დიდ ნაწილს, სჯერა რომ ყველა იმ პრობლემის გადაწყვეტა სწრაფად არ არის შესაძლებელი, რომელიც იდენტიფიცირდება მოკლე დროში, თუმცა თუ ფიქრობთ, რომ შეძლებთ ალგორითმის დაწერას, რომელიც ამ ამოცანის შესრულებას შეძლებს (ან დაამტკიცებთ, რომ ეს შესაძლებელია), მკვლევარები სიამოვნებით მოგისმენენ.

“დაწესებულია პრიზი, 1,000,000 დოლარის ოდენობით იმისთვის, ვინც დაამტკიცებს, რომ “დედოფლის ტავსატეხი”-ის გადაწყვეტა შესაძლებელია მარტივად” ამბობს კვლევის თანაავტორი კრისტოფერ ჯეფერსონი.

“დედოფლის თავსატეხი”-ის ერთერთი გადაჭრის მეთოდი.

წყარო: iflscience

Tags Coding, Computer Science, Puzzle, PvsNp, science

Science

ელონ მასკი 2025 წელს მარსზე გაფრინდება

Post author By David Machakhelidze
Post date
No Comments on ელონ მასკი 2025 წელს მარსზე გაფრინდება

SpaceX-ისა და Tesla-ს დამფუძნებლემა თქვა, რომ სურს კოსმოსში გაფრენა შემდეგი ხუთი წლის განმავლობაში და მისი კომპანია მისიას მარსზე 2025 წლისათვის გაუშვებს. ჰონ-კონგში StarmeupHK ფესტივალზე მან თქა, რომ ამისთვის ემზადება და პარაბოლური ფრენები დედამიწის გარშემო უკვე შესრულებული აქვს. “მე ვფიქრობ, რომ ეს არ იქნება ძალიან ძნელი” – ამბობს ის.

კოსმოსში პერსონალური მოგზაურობის გარდა მასკმა ისაუბა იმაზე თუ რამდენად მნიშვნელოვანია კაცობრიობისთვის მარსის დაპყრობა. მან თქვა, რომ Space X ემზადება შემდეგი თაობის კოსმოსური ხომალდის პრეზენტაციისათვის სექტემბრის საერთაშორისო ასტრონავტების კონფერენციაზე მექსიკაში.

ეს იქნება შემდეგი ნაბიჯი ადამიანის წითელ პლანეტაზე გამგზავრებისკენ – როგორც მასკი ამბობს ეს 2025 წელს მოხდება, რაც იმდენად ამბიციურია, რომ NASA-ს მიმდინარე გეგმას 5 წლით უსწრებს. ის ამბობს, რომ მნიშვნელობა არა აქვს თუ ვინ დაასწრებს, რადგანაც უფრო მნიშვნელოვანია კაცობრიობს ქონდეს თვითმყოფადი ქალაქი მარსზე, რაც გადაშენებისგან დაგვიცავს.

Tags mars, science, Space X

Science

კომეტები ვერ ხსნის “უცხო ცივილიზაციის მეგასტრუქტურას”

ყველაზე უცნაური ვარსკვლავი კოსმოსში უფრო უცნაური აღმოჩნდა და ის შეიძლება მართლაც უცხო ცივილიზაციას ეკუთვნოდეს. ცნობილი როგორ KIC 8462852 ანუ ტაბის ვარსკვლავი ასტრონომებს მოსვენებას არ აძლევს ბოლო რამდენიმე თვის განმავლობაში მას შემდეგ, რაც მკვლევარების ჯგუფმა შეამჩნიეს, რომ მნათობის შუქი გარკვეული კანონზომიერებით იცვლება არაბუნებრივად. წამოჭრილ ჰიპოთეზებს შორის იყო კომეტების ღრუბელიც და “უცხო ცივილიზაციის მეგასტრუქტურები”.

ისტორიული დაკვირვებების ანალიზის შედეგად დადგინდა, რომ ვარსკვლავის სიკაშკაშე საუკუნეების განმავლობაში მცირდებოდა, რაც კიდევ უფრო უცნაურს ხდის ობიექტის ქცევას. NASA-ს მიერ გაშვებულმა ორბიტალურმა ტელეკოპმა კეპლერმა ვარსკვლავის მიმდებარე რეგიონი 2009-2013 წლებში შეისწავლა და უმრავლესობა აღმოჩენილი სისტემების ვარსკვლავები სიკაშკაშეს პლანეტების მათ გარშემო მოძრაობის გამო იცვლის, მათ შორის ზოგიერთი 20 პროცენტითაც კი ამცირებს სინათლის ინტენსივობას.

სექტემბერში ტაბეტა ბოიაჯიანის ჯგუფი იელის უნივერსიტეტში შეეცადა აეხსნა ვარსკვლავის ქცევა და მაი აზრით ფენომენის მიზეზი კომეტების მასიური ღრუბლის მტვერი იყო. ერთი თვის შემდეგ პენსილვანიის სახელმწიფო უნივერსიტეტიდან ჯეისონ რაიტის მიერ გამოქვეყნებულმა მონაცემებმა ახალი “უცხო ცივლიზაციის მეგასტრუქტურების” ჰიპოთეზამ ამ მოვლნის მიმართ ახალი ინტერესის ტალღა გამოიწვია. ჯეისონის აზრით ეს არის უცხოპლანეტელების მიერ აგებული მასიური სატელიტები, რომლებიც ვარსკვლავის შუქს აგროვებენ და იწვევენ მსგავს ჩავარდნას გამოსხივებაში.

ახლა უკვე ბრედლი შაფერმა ლუიზიანას უნივერსიტეტიდან აღმოაჩინა, რომ ეს ფენომენი ძალიან ძველია. როცა ბოიაჯიანის ჯგუფმა შეისწავლა ვარსკვლავი მათ გადაამოწმეს ჰარვარდის უნივერსიტეტის არქივი სადაც შენახულია ძველი ფოტოები ციფრული სახით, მაგრამ ვერაფერი საინტერესო ვერ აღმოაჩინეს. შაფერმა გადაწყვიტა, რომ კიდევ ერთხელ გადაეხედა ისტორიული მონაცემებისთვის და აღმოაჩინა, რომ ვარსკვლავმა 1890-დან 1989 წლამდე სიკაშკაშის 20% დაკარგა, რაც არც ისე დიდი ცვლილება იყო.

იმისთვის რომ კიდევ უფრო დეტალურად შეესწავლა მონაცემები ის ჰარვარდში გაემგზავრა და ფოტოების ორიგინალები შეისწავლა, რსი შედეგადაც დაადგინა, რომ მსგავსი ლილებების გამოწვეისთვის საჭიროა 648 000 კომეტა, თითოეული 200 კილომეტრის ზომის რაც მისი თქმით სრულიად შეუძლებელია.

მეცნიერი ამბობს, რომ საჭიროა უფრო მეტი დაკვირვება და მონაცემები, რომ ნათელი მოეფინოს ამ ფენომენს და გავიგოთ, თუ რა იწვევს სინათლის მკვეთრ ცვლილებას.

წყარო: NewScientist

Tags Astronomy, NASA, science, Universe

Science

NASA-მ დედამიწა 2.0 აღმოაჩინა

Post author By David Machakhelidze
Post date
No Comments on NASA-მ დედამიწა 2.0 აღმოაჩინა

“დედამიწა 2.0” – ზუსტად ასე ეძახიან არაფორმალურად ეგზოპლანეტას ანუ პლანეტას Kepler-452b, რომელიც განთავსებულია მზის სისტემის საღვრებს მიღმა და ვარგისია სიცოცხლისათვის. ორბიტალური ტელესკოპის “კეპლერის” მიერ აღმოჩენილი პლანეტა G2 სპექტრალური კლასის ვარსკვლავის გარშემო “ბინადრობის ზონაში” ბრუნავს, ის 6 მილიარდ წელზე მეტი ასაკისაა და მასზე შესაძლებელია იყოს წყალი და სიცოცხლეც კი. პლანეტის დიამეტრი 60%-ით მეტია ვიდრე დედამიწა თუმცა შემადგენლობა და შემცვლეობა ჯერ-ჯერობით უცნობია. Kepler-452b სავარაუდოდ მთაგორიანია და თავისი მზის გარშემო წრეს 385 დღე-ღამეს ანდომებს.

Kepler-452-ის მზე გედის თანავარსკვლავედშია და 1400 სინათლის წლით არის დაშორებული ჩვენგა. ის მზეზე 1.5 მილიარდი წლით უფროსია და აქვს იგივე ტემპერატურა, თუმცა 20%-ით უფრო კაშკაშა და 10%-ით დიდია დიამეტრში ვიდრე ჩვენი სისტემის მზე. Kepler-452 თავისი მზისგან გაცილებით უფრო შორსაა ვიდრე დედამიწა მზისგან, მაგრამ მასზე ტეპერატურა იგივე დიაპაზონებშია, როგორც ჩვენთან.

სატელიტი-ტელესკოპი “კეპლერი” 2009 წლის მარტში გაუშვეს და მიმდინარე მომენტისთვის აღმოჩენი ლაქვს 4696 ეგზოპლანეტის კანდიდატი და მათგან მხოლოდ 1030-ია დამოწმებული.

Tags Astronomy, NASA, NASA, Science

Science

შვედმა მეცნიერებმა ხელოვნური ნეირონი შექმნეს

Post author By David Machakhelidze
Post date
No Comments on შვედმა მეცნიერებმა ხელოვნური ნეირონი შექმნეს

შვედმა მეცნიერებმა კაროლინის ინსტიტუტიდან შეძლეს შეექმნათ სრულია მოქმედი ხელოვნური ნეირონი ორგანული ბიოელექტრონიკის ბაზაზე. მასში არ არის “ცოცხალი” კომპონენტები, მაგრამ შეუძლია ტვინის ნერვული უჯრედების ფუნქციონალის შესრულება და სხვა ნეირონებთან დაკავშირება.

ნეირონი არის ცენტრალური ნერვული სისტემის სპეციალიზებული უჯრედი. ისინი ნეირონულ ქსელებს წარმოქმნიამ, რომლის საშუალებითაც ისინი ერთამანეთ გადასცემენ სიგნალებს. სიგნალები უჯრედებს შორის იონების საშალებით გადაიცემა ელექტრული მუხტის სახით, რომელიც ნეირონში გადის. მუხტი აქსონის საშუალებით გადაის დაობოლოებამდე სადაც სინაპსში გარდაიქმნება ქიმიურ ენერგიად, რომელიც ნეირომედიატროის, იგივე ნეიროტრანსმიტერის სახელით არის ცნობილი.

ნეირომედიატორები არის ბიოლოგიურად აქტიური ქიმიური ნივთიერება, რომელიც გადაცემენ იმპულსებს ნერვული უჯრედიდან სინაპტიკურ სივრცეში ნეირონებს შორის და ასევე ნეირონებიდან კუნთოვან უჯრედებში.

აქამდე ნეირონების სიმულაცია ხორციელდებოდა მხოლოდ ელექტრონული სიგანლების გადაცემით, მაგრამ შვედმა მეცნიერება ბიოელექტრონული მოწყობილობა შექმნეას, რომელსაც შეუძლია მიიღოს და ამოიცნოს ქიმიური სიგნალები, რომლებიც შემდგომში შეიძლება გადაეცეს ადამიანის უჯრედებს.

“ჩვენი ხელოვნური ნეირონი შექმნილია დენის გამტარი პოლიმერებისგან და მუშაობს, როგორც ადამიანის, – ამბობს წამყვანი მკვლევარი, უჯრედის მიკრობიოლოგიის პროფესორი აგნეტა რიხტერ-დალფორსი. – ხელოვნური ნეირონის მგრძნობიარე კომპონენტი “შეიგრძნობს” ცვლილებას ქიმიურ სიგნალებში და გადაცემს მას ელექტრონული სახით. მეორე ეტაპზე ელექტრული სიგნალი გარდაიქმნება ნეიროტრანსმიტერში აცეტილჰოლინში, რომელიც ზემოქმედებ ცოცხალ უჯრედებზე.”

ჯერ-ჯერობით მოწყობილობა არ არის ჩვეულებრივი ნეირონის ზომის. მიზანი სწორედ ამ მოწყობილობის მინიატურიზაციაა, რის შემდეგაც შეძალებელი იქნება მისი იმპლანტაცია ადამიანის სხეულში. ამით შესაძლებელი იქნება ნერვული სისიტემის დაზიანებით გამოწყვეული დაავადებების მკურნალობა.

შესაძლებელი გახდება ნეირონების სიმულაცია ქიმიური სიგნალებზე დაყრნობით, რომლებიც მიიღება სხეულის სხვ და სხვა ნაწილებიდან. მომავალში შესაძლებელი გახდება დაზიანებული ნერვული უჯრედების გვერდის ავლა და სისტემის ფუნქციონალის აღდგენა.

Tags Medical, Medicine, Science

Science

მსოფლიოში ყველაზე თხელი ნათურა გრაფენისგან

Post author By David Machakhelidze
Post date
No Comments on მსოფლიოში ყველაზე თხელი ნათურა გრაფენისგან

დაივიწყეთ LED ნათურები…. მომავალში განათება შესაძლებელი იქნება ნახშირბადით. კოლუმბიის უნივერსიტეტის მკვლევარებმა შექმნეს ნათურა ჩიპზე, რომელიც გრაფენის გახურებით ანათებს. ეს იგივე პროცესია რაც ჩვეულებრივ დღის განათების ნათურებში იმ განსხვავებით, რომ მასში გამოიყენება ერთი ატომის სისქის მანათობელი ფენა, რომელიც გამჭვირვალეა.

ტექნოლოგია არა მხოლოდ განათებისთვის შეიძლება გამოვიყენოთ, მიკროსკოპულ დონეზე მატერიალის გახურება ქიმიური პროცესების შესწავლის სფეროშიც გამოსადეგი იქნება. შუქის ამ ზომებზე შექმნის შესაძლებლობა ფოტონური პროცესორების შექმნას დააჩქარებს, რაც გაცილებით სწრაფი და ეფექტური იქნება ვიდრე ტრადიციული ჩიპები.

Tags Graphene

Science

NASA-მ შექმნა ტრანსპორტი სხვა პლანეტებისათვის

Post author By Marie Dikhaminjia
Post date
No Comments on NASA-მ შექმნა ტრანსპორტი სხვა პლანეტებისათვის

ამერიკის კოსმოსურმა სააგენტო NASA-მ წარმოგვიდგინა ახალი სატრანსპორტო საშუალების პროტოტიპი Modular Robotic Vehicle, რომელიც შემუშავებულია უმსხვილეს ავტომწარმოებლებთან ერთად. MRV შექმნილია მკაცრ პირობებში ფუნქციონირებისათვის სხვა პლანეტებზე, მაგალითად, მარსზე.

MRV ვიზუალურად ძალიან ჰგავს ავტომობილს გოლფის სათამაშოდ. ის მუშაობს ელექტრო ძრავებზე. ოთხივე ბორბალი დამოუკიდებლად მოძრაობს და შეუძლია 180 გრადუსზე, რაც ავტომობილს მანევრულობას ანიჭებს. გადაადგილების მაქსიმალური სიჩქარე დაახლოებით 64კმ/სთ-ია. თუმცა, ამ დროისთვის მნახველებისათვის მისი სიჩქარე შეზღუდულია 24კმ/სთ-მდე. MRV-ს წონა შეადგენს დაახლოებით 900კგ-ს, ზომებია: 2.13×1.52მ.

ამ ელექტრო ტრანსპორტს აქვს ოთხი ძრავი: თითო ბორბალზე თითო. MRV-ს მართვა შესაძლებელია დისტანციურად, რაც ინჟინერების ყველაზე მნიშვნელოვანი მიღწევაა. ოპერატორი, რომელიც მოშორებით მართავდეს იქნება მანქანას, შეძლებს ტრანსპორტთან ჰქონდეს დინამიური კავშირი.

იხილეთ NASA-ს მიერ გამოქვეყნებული ოფიციალური ვიდეო:

Tags Cosmos, Modular Robotic Vehicle, NASA, NASA, planets, Robotics