Lekeitioko Udaleko Euskara batzordeko kideak oso kezkatuta daude beraien herrian euskaraz gero eta gutxiago egiten delako. Euskararen erabilera sustatzeko 30 laguneko lantaldea osatu dute. Herritarren sentsibilizazioan eragiteko asmoarekin, UEMArekin elkarlanean antolatutako arnasguneen tailerrak egingo dituzte, besteak beste.

Bideo honetan, ederki azaltzen da arnasguneek zer diren euskararentzat, baita UEMAk udalerri euskaldunetan egiten duen lan garrantzitsua ere. Igantziko Udala 2012an sartu zen UEMAn. Eta erabaki horren arrazoia azaldu nahirik, herriko Euskara Batzordearekin eta eskolarekin batera grabatu zuten bideoa. UEMA herrian bertan dagoen San Joan Xarreko erreserba naturalarekin alderatu dute, eta euskara bertako espezie babestuarekin, pagolizarrarekin.

Jardunaldiko atal bakoitzaren bideoa, hitzaldien laburpenak eta hitzaldietan erabilitako aurkezpenak eskuratu ditzake nahi duen orok. Gipuzkoako Foru Aldundiak, UEMAk, Kontseiluak eta UEUk antolatutako “Hizkuntza eta Lurraldea. Lurraldea eta Hizkuntza” jardunaldian lurralde-antolamenduak eta hirigintzak hiztun-komunitatearengan duen eragina aztertu zen. Jardunaldiotako antolakuntzak eta batzorde akademikoak ELE (Eragin Linguistikoaren Ebaluazioa) izeneko tresna definitzeko, eta bigarren jardunaldi batzuetan aurkezteko konpromisoa hartu zuen.

Gaur hasi eta otsailaren akitu arte iraungo duen kanpainaren bitartez, herritarren parte hartzea eta inplikazioa bilatu nahi da, administrazioan eraginez euskarazko osasun zerbitzuak lortzeko. Baztango euskalgintzak eta Baztango Udalak osasun zerbitzuak euskalduntzeko aldarria zabalduko dute gaur hasi eta otsaila akitu arte iraungo duen kanpainaren bitartez. Kanpaina hau babesten Kontseilua, Behatokia, EHE, Topagunea, Osasungoa Euskalduntzeko Erakundea eta UEMA izango dituzte.