Hilabeteko artxiboak: iraila 2013
Belastegi: “Helegiteak jaso dituzten udalei babes osoa eskaini nahi diegu”
Zarautz, Olazagutia, Anoeta, Lezo, Zestoa, Errezil, Elgoibar eta Zumaiako udalek helegiteak jaso dituzte hizkuntz irizpideengatik. Maren Belastegik, UEMAko lehendakariak "euskararen aurkako erasotzat" jo ditu helegiteok, argitaratu duen iritzi artikuluan. Helegite sorta honen erdian, "arduraz jokatzeak duen garrantzia azpimarratu nahi" izan du Belastegik, eta gogora ekarri du "eraso hauek indarrak biltzeko parada ere eskaintzen" dutela.
Irakurri osorik »
UEMAk eraso politikotzat jo du Estatuko abokatuak Zarauzko hizkuntz irizpideen aurka jarritako helegitea
Espainiako Estatuko Abokatuak helegitea jarri du Zarauzko Udalak Bildu, PSE-EE, Aralar eta Ezker-Anitzaren aldeko botoekin onartutako hizkuntza irizpideen aurka. Aurrez, Anoeta, Lezo eta Zestoako udalek ere jaso dituzte antzeko helegiteak, kasu horietan kontratazio publikoetan hizkuntza irizpideak ezartzeagatik. UEMAren ustez, “euskararen aurkako erasoak” dira helegite horiek guztiak.
Irakurri osorik »
Maren Belastegi UEMAko lehendakariak eta beste eragileetako ordezkariek ESEPen inguruan egindako balorazioak jaso ditu Berriak
UEMA, Kontseilua , Hekimen, AEK, Bai Euskarari Ziurtagiria, LAB Euskara Idazkaritza eta Topaguneako ordezkarien iritziak bildu ditu euskarazko egunkariak. Oro har, Euskara Sustatzeko Plana egitea begi onez ikusten badute ere, planak dituen hutsuneak eta gabeziak nabarmendu dituzte.
Irakurri osorik »
Arnasguneei buruzko tailer ugari egingo da udazkenean
Udalerri euskaldunen garrantziaz, eta berauek euskara normalizatzeko prozesuan duten paperaz herritarrak kontzientziatzeko helburua duten tailerrak dira. UEMAk Kontseiluarekin, Topagunearekin, EMUNekin, Bertsozale Elkartearekin eta EHErekin elkarlanean sortuak. Goizuetan, Getarian, Zarautzen, Zestoan, Bergaran eta Baztanen egingo dira udazkenean zehar.
Irakurri osorik »
