(ޣައްޒާ، ފަލަސްތީން) ހާރުކާ ވަގުތު ޖެހުމުން ފަލަސްތީނުގެ ޣައްޒާގެ މަގުތައް ގުގުމާލަނީ އަދާޔާހިލާފު ބެރެއްގެ އަޑުންނެވެ. އެއީ އާންމުކޮށް މިޖަހައި އުޅޭ ބެރާއި މުޅިން ތަފާތު ބެރެކެވެ. ހާއްސަ މީހަކު އެ ބެރު ޖަހާއިރު ފަހަތުގައި އޭނާ އާ ބައިވެރިވާނެ މީހުން ތިބެއެވެ. މިއީ އާދަވެގެން ކޮންމެ ރަމަޟާން މަހަކު ފަލަސްތީނުގެ އެކިއެކި ހިސާބުތަކުގައި ހިނގާ ކަމެކެވެ. އެމީހުންގެ ސަގާފަތާއި ގުޅިފައިވާ ހާއްސަކަމެކެވެ. ޣައްޒާގެ ރައްޔިތުންނަށް ހާރުކެއުމަށް ހޭލެއްވުމަށް އުޅޭ މިފަދަ ބެރު ގުރޫޕްތައް ބައިވަރެވެ. އެކި ހިސާބުތަކުގައި މިކަން ކުރަނީ ތަފާތު މީހުންނެވެ. އެމީހުން ހެދުން އަޅާފައި ހުންނަނީ ތަފާތު ގޮތަކަށެވެ. ކޮންމެ ގުރޫޕަކުންވެސް އެ ގުރޫޕަކަށް ހާއްސަ ހެދުމުގެ ވައްޓަފާޅިއެއް ކަނޑައަޅާފައި އޮވެއެވެ.…