2 Februarie

2 Februarie is die 33ste dag van die jaar in die Gregoriaanse kalender. Daar volg nog 332 dae in die res van die jaar (333 in skrikkeljare).

Gebeure

• 962 – Pous Johannes XII kroon Otto I die Grote as keiser van die Heilige Romeinse Ryk.
• 1274 – Cécile, dogter van Gui Faucoi (later Pous Clemens IV) trou met haar neef Pierre Ruffi.
• 1285 – Jakob II, koning van Aragon word teen die wil van Pous Honorius IV onder die naam Jakob I as koning van Sisilië gekroon.
• 1309 – Op aandrang van koning Philip IV van Frankryk hervat Pous Clemens V die proses teen Pous Bonifatius VIII.
• 1361 – Guillaume de Grimoard (later Pous Urbanus V) word ab van die Benediktynerklooster in St. Victor in Marseille.
• 1831 – Pous Gregorius XVI volg Pous Pius VIII op as pous van die Rooms-Katolieke Kerk.
• 1837 – Piet Retief se manifes word in die Graham's Town Journal gepubliseer.
• 1848 – Die Meksikaans-Amerikaanse Oorlog eindig met die ondertekening van die Verdrag van Guadalupe Hidalgo wat aan die VSA die Meksikaanse Oordrag toeken.
• 1863 – Jan Brand word as President van die Vrystaat verkies.
• 1925 – Mediese voorrade om ’n uitbraak van witseerkeel te bekamp bereik Nome, Alaska op hondesleë wat die jaarlikse Iditarod-resies oor Alaska inspireer.
• 1943 – Die Slag van Stalingrad eindig met 91 000 uitgeputte Duitse soldate wat deur die Rooi Leër gevange geneem word.
• 1990 – President FW de Klerk kondig by die opening van die parlement aan dat die ANC en ander groepe ontban sou word en dat Nelson Mandela vrygelaat sou word. Dit lei tot die einde van Apartheid en die daarstel van volle demokrasie in Suid-Afrika.
• 2016 – Ted Cruz behaal 'n Republikeinse Party Iowa koukus verkiesing oorwining met die hulp van 'n VSA verkiesingsdataprogram bekend as Projek Oorlog.

Geboortes

• 1455 – Hans, koning van Denemarke († 1513).
• 1517 – Gotthard von Kettler, laaste Landmeester van die Duitse orde in Lyfland en vanaf 1561 die eerste hertog van Koerland en Semgale († 1587).
• 1649 – Pietro Francesco Orsini (later Pous Benedictus XIII), 245ste pous van die Rooms-Katolieke Kerk († 1730).
• 1857 – Johann Rissik, landmeter en die eerste Administrateur van Transvaal († 1925).
• 1882 – James Joyce, Ierse skrywer en digter († 1941).
• 1905 – Ayn Rand, Russies-Amerikaanse skryfster en filosoof († 1982).
• 1941 – Gerhard Morkel, voormalige premier van die Wes-Kaap en burgemeester van Kaapstad († 2018).
• 1977 – Shakira, Colombiaanse sangeres en aktrise.

Sterftes

• 1594 – Giovanni Pierluigi da Palestrina, komponis (* c. 1525).
• 1769 – Pous Clemens XIII, die 248ste pous van die Rooms-Katolieke Kerk (* 1693).
• 1812 – Isaac Titsingh, Nederlandse sjirurg en handelsreisiger (* 1745).
• 1875 – Carl Jakob Sundevall, 'n Sweedse dierkundige (* 1801).
• 1907 – Dmitri Mendelejef, Russiese chemikus (* 1834).
• 1970 – Bertrand Russell, Britse wiskundige en filosoof (* 1872).
• 1974 – Imre Lakatos, Hongaarse wiskundige, natuurkundige en wetenskapfilosoof (* 1922).
• 1979 – Sid Vicious, Britse musikant (* 1957).
• 1994 – Marija Gimbutas, Litaus-Amerikaanse argeoloog (* 1921).

Gepubliseer

Teologie

• 1744 – Inter omnigenas – oor die vervolging in Serwië deur die Turke – deur Pous Benedictus XIV.