2019

Árþúsund:	3. árþúsundið
Aldir:	20. öldin 21. öldin 22. öldin
Áratugir:	1991–2000 2001–2010 2011–2020 2021–2030 2031–2040
Ár:	2016 2017 2018 2019 2020 2021 2022

Árið 2019 (MMXIX í rómverskum tölum) er almennt ár sem byrjar á þriðjudegi samkvæmt gregoríska tímatalinu. Það hefur því sunnudagsbókstafinn F.

Atburðir

Janúar

• 1. janúar – Jair Bolsonaro tók við embætti sem forseti Brasilíu.
• 3. janúar – Nýtt þingtímabil hófst í Bandaríkjunum. Nancy Pelosi var kjörin forseti fulltrúadeildar Bandaríkjaþings af nýjum þingmeirihluta Demókrataflokksins.
• 11. janúar – Þing Lýðveldisins Makedóníu samþykkti að nafni landsins skyldi breytt í Lýðveldið Norður-Makedónía.

Mars

• 10. mars – Boeing 737 MAX 8-flugvél á leið frá Addis Ababa í Eþíópíu til Naíróbí í Keníu brotlenti sex mínútum eftir flugtak. Allir um borð, alls 157 manns, létu lífið.
• 15. mars – Vopnaður maður réðst inn í tvær moskur í Christchurch á Nýja-Sjálandi og skaut á fólkið þar inni. Alls létust um fimmtíu manns í árásinni.
• 19. mars – Nursultan Nazarbajev, forseti Kasakstans, sagði af sér.
• 30. mars – Zuzana Čaputová var kjörin forseti Slóvakíu.

Apríl

• 2. apríl – Abdelaziz Bouteflika sagði af sér sem forseti Alsír eftir nokkurra mánaða mótmæli gegn áframhaldandi stjórn hans.
• 11. apríl:
  • Omar al-Bashir, forseta Súdans til 30 ára, var steypt af stóli af súdanska hernum eftir langa mótmælaöldu.
  • Julian Assange var úthýst úr sendiráði Ekvadors í London eftir sjö ára dvöl þar. Lögreglan í London handtók hann síðan.
• 15. apríl – Eldsvoði hófst í Notre Dame í París. Þak og turnspíra dómkirkjunnar hrundu í eldinum en slökkviliðsmönnum tókst að bjarga burðarvirki og klukkuturnum hennar frá gereyðileggingu.
• 21. apríl:
  • Um 290 manns létust í sprengjuárásum á kirkjur og hótel í Srí Lanka.
  • Volodimír Selenskij var kjörinn forseti Úkraínu í seinni umferð forsetakosninga landsins.
• 28. apríl – Þingkosningar fóru fram á Spáni. Sósíalistaflokkurinn, flokkur Pedro Sánchez forsætisráðherra, hlaut um 30 prósent atkvæða, mest allra flokka.
• 30. apríl – Akihito Japanskeisari sagði af sér sökum aldurs og sonur hans, krónprinsinn Naruhito, settist á keisarastól.

Maí

• 17. maí – Taívan lögleiddi hjónabönd samkynhneigðra, fyrst Asíuríkja.
• 18. maí:
  • Þingkosningar fóru fram í Ástralíu. Ríkisstjórn Frjálslynda flokksins undir forsæti Scotts Morrison vann sigur gegn stjórnarandstöðunni, þvert á væntingar.
  • Söngvakeppni evrópskra sjónvarpsstöðva var haldin í Tel Aviv í Ísrael. Duncan Laurence vann keppnina fyrir Holland með laginu „Arcade“. Hljómsveitin Hatari keppti fyrir hönd Íslands og lenti í 10. sæti.

Fædd

• 6. maí – Archie Mountbatten-Windsor, sonur Harry Bretaprins og Meghan hertogaynju

Dáin

• 23. janúar - Loftur Jóhannesson, íslenskur vopnasali (f. 1930).
• 14. janúar - Stefán Dan Óskarsson, íslenskur líkamsræktarfrömuður (f. 1947).
• 7. febrúar - Karólína Lárusdóttir, íslenskur myndlistamaður (f. 1944).
• 15. febrúar - Lee Radziwill, bandarísk yfirstéttarkona (f. 1933).
• 20. mars - Mary Warnock, breskur heimspekingur (f. 1924).
• 2. apríl:
  • Jón Helgason, íslenskur stjórnmálamaður (f. 1931).
  • Sigrún Pálína Ingvarsdóttir, íslenskur þroskaþjálfi (f. 1955).
• 12. apríl - Georgia Engel, bandarísk leikkona (f. 1948).
• 17. apríl - Alan García, fyrrum forseti Perú (f. 1949).
• 23. apríl - Jóhann, fyrrum stórhertogi Lúxemborgar (f. 1921).
• 13. maí - Doris Day, bandarísk leikkona og söngkona (f. 1922).
• 16. maí:
  • Bob Hawke, fyrrum forsætisráðherra Ástralíu (f. 1929).
  • I. M. Pei, kínversk-bandarískur arkitekt (f. 1917).
• 20. maí - Niki Lauda, austurrískur kappakstursbílstjóri (f. 1949).