Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Woensdag, 1 Mei 2019 Hier is tans 78 899 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die tierluislang (Python molurus) is die kollektiewe benaming vir die Indiese en Birmaanse luislang. Dit is 'n slangsoort van die Luislange (Pythonidae) en word by die geslag Egte Luislange (Python) ingedeel. Twee subspesies word erken, wat heel onlangs ook as afsonderlike spesies beskou word: die Indiese luislang (Python molurus molurus) en die Birmaanse luislang (P. m. bivittatus). Die donker subspesie, die Birmaanse luislang, is met 'n bevestigde lengte van meer as vyf meter een van die grootste slange ter wêreld. Die verspreidingsgebied sluit groot dele van die tropiese en subtropiese Suid- en Suidoos-Asië in. Die spesie bly in 'n wye verskeidenheid van beboste habitats, nie te ver van water nie en ten minste soms ook in die randgebiede van menslike nedersettings. Vir enkele dekades lank het onwettige vrylatings in die natuur veroorsaak dat 'n indringerbevolking in Florida, 'n Amerikaanse deelstaat, ontstaan het.

Na die grootte van die luislang wissel die dieet van klein tot medium, bitter selde tot groot gewerwelde diere soos jong swynherte en volgroeide luiperds. Die tierluislange is soos al die slangsoorte van die genus Python eierlêend (ovipaar) en behoort tot die soort waar die wyfie die broeitemperatuur deur spierbewings reguleer. Weens verdelging voor die voet en habitatvernietiging verklaar die IUBN die spesie as gevoelig (near threatened).

...lees verder

In die nuus

Na die abdikasie van die Japannese Tennō Akihito (Heisei-tydperk, 平成時代) is sy oudste seun Naruhito (Reiwa-tydperk, 令和時代) as 126ste keiser ingehuldig.
In Israel is die 21ste Knesset ingesweer. Die nuwe parlement is baie meer regs as die laaste. Die grootste party is Likoed van eerste minister Benjamin Netanyahu.
Die Skotse premier Nicola Sturgeon pleit weens die Verenigde Koninkryk se beplande onttrekking van die Europese Unie vir 'n tweede onafhanklikheidsreferendum nog voor 2021. 62% van die Skotse kiesers was tydens die referendum van 2016 ten gunste van 'n verblyf in die EU.
Ongeveer 253 mense word in Sri Lanka om die lewe gebring in selfmoordbomaanvalle deur die militante Islamistiese groep Nasionaal Thowheeth Jama'ath.
Die Amerikaanse ingenieur en ruimtevaarder Owen K. Garriott, sterf op 88 in Huntsville, Alabama.

Het u geweet...

... dat byna die hele Kaapse Skiereiland deel is van die Tafelberg Nasionale Park? Dié natuurreservaat is in 1998 gestig en beslaan die Tafelberg-bergreeks.

... dat Clarens in die Oos-Vrystaat vernoem is na Clarens, die noordwestelike stadswyk in Montreux, Switserland waar President Paul Kruger van die Zuid-Afrikaansche Republiek oorlede is?

Vandag in die geskiedenis

1 Mei − Werkersdag

1786 – Openingsaand van die opera Die huwelik van Figaro deur Wolfgang Amadeus Mozart in Wene.
1860 – Pretoria word tot hoofstad van die Zuid-Afrikaansche Republiek verklaar.
1956 – Die polio-entstof ontwikkel deur Jonas Salk word aan die publiek beskikbaar gestel.
1994 – Die Formule Een-renjaer Ayrton Senna sterf gedurende die San Marino Grand Prix.
2004 – Estland, Hongarye, Letland, Litaue, Malta, Pole, Siprus, Slowakye, Slowenië en Tsjeggië sluit by die Europese Unie aan.

Voorbladbeeld

Die supermassiewe swartkolk in die middel van die groot elliptiese sterrestelsel Messier 87 in die sterrebeeld Maagd. Sy massa is na raming miljarde kere so groot soos die Son s'n. Dit is die heel eerste swartkolk wat regstreeks afgeneem is, deur die Event Horizon Telescope. Die foto is op 10 April 2019 uitgereik.