प्रहार वेब टीम
मुंबई : आगामी लोकसभा निवडणूकीच्या पार्श्वभूमीवर प्रचाराच्या रणधुमाळीला सुरूवात झाली आहे. मतदारांना भूलवण्यासाठी उमेदवार वाट्टेल ते करायला तयार आहेत, याची प्रचितीही आली आहे. बॉलिवूडची ड्रिमगर्ल अर्थात हेमा मालिनी या भाजपकडून मथुरा मतदार संघातून निवडणूक लढवत आहेत. त्यांनी त्यांच्या प्रचाराची सुरूवात थेट शेतातूनच केली. शेतात जाऊन हेमा मालिनी यांनी गव्हाच्या लोंब्या कापून शेतकरयांना मदत केली.
Mathura: Hema Malini, BJP MP & Lok Sabha candidate from the constituency, started her poll campaigning yesterday & was seen carrying bundles of freshly harvested crop to lend a hand to women working in a wheat field in Govardhan area pic.twitter.com/XLMQWPjgEU
— ANI UP (@ANINewsUP) 31 March 2019
हेमा मालिनी यांनी प्रचाराची सुरुवात मथुरेतील गोवर्धन परिसरातील एका शेतातून केली. यावेळी हेमा मालिनी यांनी शेतातील गहू कापण्यास शेतकऱ्यांची मदत केली. त्यांच्या या अनोख्या प्रचाराची चर्चा सध्या सर्वत्र सुरू आहे.
हेमा मालिनी यांच्या विरोधात महागठबंधनतर्फे राष्ट्रीय लोकदलाचे उमेदवार उभे आहेत तर दुसरीकडे काँग्रेसनेही ब्राह्मण उमेदवार देऊन ही लढत अधिक चुरशीची बनवली आहे. त्यामुळे हेमा मालिनी यांची ही अनोखी प्रचार पद्धत मतदारांना आकर्षित करते का? हे पाहणे औत्सुक्याचे ठरेल.
