2000

Die jaar 2000 was 'n skrikkeljaar wat volgens die Gregoriaanse kalender op 'n Saterdag begin het. Dit was die 100ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gawie Cillié, wat 'n groot bydrae tot kerkmusiek gelewer het, sterf op 15 Julie 2000.

Gebeure

• 13 Mei – 'n Vuurwerkfabriek in die Enschedese wyk van Roombeek ontplof en 23 mense sterf.
• 13 Junie – Kim Dae Jung van Suid-Korea en Kim Jong-Il van Noord-Korea ontmoet.
• 25 Julie – Air France-vlug 4590 se Concordestraler stort neer kort nadat dit in Parys opstyg - met 113 sterftes.
• 12 Augustus – Die Russiese kernduikboot, Kursk, sink in die Barentssee – 118 seemanne sterf.
• 16 Augustus – Die heropgeboude Christus-die-Verlosser-katedraal word plegtig ingewy in Moskou.
• 3 September – Pous Pius IX word salig verklaar.
• 15 September-1 Oktober – Die 27ste Olimpiese Somerspele word in Sydney, Australië, aangebied.
• 18-29 Oktober – Die elfde Paralimpiese Somerspele word in Sydney, Australië, aangebied.
• 2 November – Die eerste bemanning gaan aanboord van die Internasionale Ruimtestasie.
• 14 Desember – Wladimir Poetin, die eerste Russiese president om Kuba te besoek sedert die ineenstorting van die Sowjetunie, hou samesprekings met president Fidel Castro.

Sterftes

• 24 Januarie – Frank Waring, Suid-Afrikaanse politikus (* 1908).
• 19 Februarie – Friedensreich Hundertwasser, Oostenrykse skilder, grafikus en omgewingsaktivis (* 1928).
• 24 Maart – Bles Bridges, Suid-Afrikaanse sanger (* 1947).
• 10 Mei – Roy Dryburgh, Suid-Afrika se agt-en-twintgste Springbokkaptein (* 1929).
• 14 Mei – Keizō Obuchi, Eerste Minister van Japan (* 1937).
• 21 Mei – Barbara Cartland, Britse skryfster (* 1901).
• 15 Julie – Gawie Cillié, Suid-Afrikaanse komponis (* 1916).
• 29 Julie – Kobie Coetsee, Suid-Afrikaanse politikus en kabinetsminister (* 1931).
• 7 Augustus – Tolla van der Merwe, Suid-Afrikaanse storieverteller en komediant (* 1943).
• 8 Augustus – Jaap Marais, leier van die Afrikanernasionalisties gesinde Herstigte Nasionale Party (* 1922).
• 19 Augustus – Harry Oppenheimer, Suid-Afrikaanse mynmagnaat (* 1908).
• 28 September – Pierre Trudeau, Kanadese politikus en premier (* 1919).
• 6 Oktober – Anna Rothmann, 'n Afrikaanse skrywer en die dogter van M.E.R. (* 1904).
• 15 Oktober – Cor Dirks, skoolhoof en Afrikaanse skrywer (* 1911).
• 12 November – Christo Coetzee, Suid-Afrikaanse skilder (* 24 Maart 1929).