کیوس گوران (بزائه ۷ خرداد ۱۳۱۷ هجری خورشیدی برابر با ۲۸ می ۱۹۳۸ میلادی اوریم ِسوادکوه، مازرون دله) یَتّا مازرونی شاعر، خونِش‌کَر، نویسنده و روزنومه‌نویس هسته. وه شعر انتقادی و اجتماعی مازرونی امه عصر دله ره بساته. کیوس اتا خانواده‌ی دله دنیا بمو که ونه پییر «میرزداش» بی‌یه و پهلوی ِحکومت ِمخالفون جه بی‌یه که اون گادر مازرون دله دَیینه و ونه وَچگی دوره، ونه پییر اتا سیاسی زندونی بی‌یه.
وه پس از بگذرونی‌ین تحصیلات ابتدایی، راهنمایی و دبیرستون مازرون دله جه راه دکته و بورده تهران و پزشکی ِمدرک بَییتِن وِسّه تبریز دله امتحان هدائه که مردود اعلام بیّه. اَی ونه درس دمباله هدائن جلو ره بیتنه و بائوتنه که تا ۱۰ سال نَنشنه که ایران دله درس بخونده. همینسه هلند راه ره پیش هایته ولی پس از مدتی اعلام بیّه که وزارت علوم هلندی دانشگاه مدرک ره هم قبول نکانده. کیوس گوران هم وردگردسته ایران.
مطبوعاتی کار ره بورس ِاقتصادی روزنومه جه، تهران دله شروع هاکرده و اَی تهران جورنال روزنومه، که اطلاعات ِموسسه ِانگلیسی‌زوون روزنومه بی‌یه، دله کار هاییته. پس از مدتی خورون ِسانسور ِمأمور، ونه بنویشته‌ئون منتشر بیّن جلو ره گیته، وه ات گادر مجبور بَیی‌یه ترک تحصیل هاکنه و ونه کار باعث بیّه که بوره جنوب کشور.
