Pasado o tempo das vacacións toca volver vernos e seguir planificando cousas e revisando as feitas.

Como sempre será cada último sábado de mes e a hora as 18:30 para os membros da Xunta directiva e as 19:30 para o resto da xente. Lembrade que que quen, sendo socio, queira asistir desde primeira hora e seguir os debates da Xunta directiva, pode facelo.

Para a xuntanza xeral, a partires das 19:30, estades convidados todos, socios, non socios, curiosos ou visitantes seredes ben recibidos.

Agardámosvos

Dende @galpon convidamosvos a todos os usuarios de GNU/Linux a unirse á nosa sala en Matrix (p. ex. empregando Riot).

Matrix é un protocolo de comunicacións concebido como estándar aberto, interoperable e descenttralizado. Permite comunicarse cos protocolos de tecnoloxías máis recentes e tamén coas máis antigas (actualmente é totalmente compatíbel con XMPP e IRC, tamén se comunica con Slack, Skype e Lync)

Vimos de publicar a versión 3.1 de MiniNo Queiles 3.1 LTS. Esta versión está baseada na Debian «oldstable» Jessie, mais coa configuración de repositorios LTS, o que lle da asistencia ata o 30 de xuño de 2020.

Podedes ver a noticia con máis detalle na web de MiniNo.

Creando e integrando un mapa dinámico (Slippy Map)

Unha vez máis, en GALPon estamos a artellar un obradoiro especializado dirixido, pero non de xeito excluínte, a desenvolvedores e editores web.

Cada vez máis é necesario integrar algún mapa na web, ven sexa algo simple como indicar unha localización/posición ou capas descritivas dunha actividade humana, meteorolóxica, xeográfica, etc...

Vémonos o próximo sábado 30 de xuño, a partires das 19:00 horas en:

Segundo Debian, o próximo 31 de maio acabase a asistencia para wheezy-lts, o que signifca que «morre» definitivamente. A fin de que poidades sacarlle partido durante algún tempo máis, fixemos unha actualización que publicamos como versión 2.2. Para aquelas persoas que xa a tendes instalada, en calquera das súas dúas versións (full ou minimal), preparamos un script e novos repos que podedes aplicar.

Hoxe mércores 28 de febrero, foi publicado un novo «podcast» do amigo Juan Febles, podcast linux, dedicado ás nosas distros, MiniNo e PicarOS.

Se queres coñecer algo dos miolos do seu desenvolvemento, podes escoitar a Antonio e a Miguel contando as aventuras e desventuras do seu desenvolvemento.

Este ano, como xa é costume en GALPon, acudiremos á Librecon, pero desta volta imos equipados con algúns galanos para os asistentes :-)

A nosa asociación sumouse á campaña promovida pola FSF co gallo do Día da Liberdade do Software nomeada PUBLIC MONEY — PUBLIC CODE, asumindo a súa carta aberta e figurando na súa páxina como «Supporting Organisation».

O noso compañeiro Odo (Andres Bott) replicou as viñetas de difusión da campaña ao galego e ao castelán. Estas «viñetas» podedes descargalas do Github de GALPon xunto coas fontes, etc., obviamente son libres (GPL).