Check the progress of your entry
LOG IN HERE
Gheibh sibh dealbhan bho Mòd 2017 an seo
‘S e An Comunn Gàidhealach am buidhean ‘s sinne ‘s aithnichte ann an saoghal na Gàidhlig. Bhon a chaidh a stèidheachadh san Òban ann an 1891, tha An Comunn air cliù a dhearbhadh ann an teagasg, ionnsachadh agus cleachdadh a’ chànan agus air brosnachadh a thoirt dha leudachadh litreachas, eachdraidh, ceòl agus ealain na Gàidhlig.
Leis a’ Mhòd Nàiseanta Rìoghail fo sgèith agus obair leasachaidh sna coimhearsnachdan a’ dol am meud, tha An Comunn fhathast a’ daingneachadh na h-amais a bhith a’ brosnachadh agus a’ neartachadh cànan, cultar, eachdraidh agus dualchas na Gàidhlig aig ìrean ionadail, nàiseanta agus eadar-nàiseanta.
Tha sinn an dòchas gum faic sinn ann an Dùn Omhain sibh. Tha làrach-lìn Comataidh Ionadail a’ Mhòid beò a-nis. Dèanaibh cinnteach gun tadhal sibh air airson fiosrachadh a thaobh Comataidh Ionadail a’ Mhòid, tachartasan airson airgead a thogail, àitichean-fiuirich agus cothroman saor-thoileach!
Cuideachd, tha duilleag Facebook aca- dèanamh cinnteach gu bheil sibh gan leantainn.
12-20 Dàmhair 2018 - Dùn Omhain
11-19 Dàmhair 2019 - Glaschu