Our Data Policy is changing. You can view our new Data Policy here.
Databeleid
Ons verleen aan u die mag om as deel van ons missie te deel om die wêreld meer oop en verbind te maak. Hierdie beleid beskryf watter inligting ons versamel en hoe dit gebruik en gedeel word. U kan bykomende nutsdinge en inligting vind by Basiese beginsels van privaatheid.Soos u deur ons beleid werk, hou in gedagte dat dit op alle Facebook-handelsmerke, -produkte en -dienste van toepassing is wat nie ’n aparte privaatheidsbeleid het of aan hierdie beleid koppel nie. Ons noem dit die “Facebook-dienste” of “Dienste”.
Watter tipe inligting versamel ons?
Afhangende van watter Dienste u gebruik, versamel ons verskillende tipe inligting van of oor u.Dinge wat u doen en inligting wat u verskaf.
Ons sal die inhoud en ander inligting wat u verskaf wanneer u ons Dienste gebruik, versamel, insluitend wanner u vir ’n rekening inteken, skep of deel, en boodskappe aan ander stuur of met hulle op ander maniere kommunikeer. Dit kan inligting insluit in of oor die inhoud wat u verskaf, soos die ligging van ’n foto of die datum waarop ’n lêer geskep is. Ons versamel ook inligting oor hoe u ons Dienste gebruik, soos die tipe inhoud wat u bekyk of by betrokke raak, of die gereeldheid en tydsduur van u aktiwiteite. Dinge wat ander doen en inligting wat hulle verskaf.
Ons versamel ook inhoud en inligting wat ander mense verskaf wanneer hulle ons Dienste gebruik, insluitend inligting oor u, soos wanneer hulle ’n foto van u deel, aan u ’n boodskap stuur, of u kontakinligting oplaai, sinkroniseer of invoer. U netwerke en verbindings.
Ons versamel inligting oor die mense en groepe waarmee u verbind en hoe u met hulle te werk gaan, soos die mense met wie u die meeste kommunikeer of die groepe met wie u graag deel. Ons versamel ook kontakinligting wat u verskaf wanneer u hierdie inligting (soos ’n adresboek) vanaf ’n toestel oplaai, sinkroniseer of invoer. Inligting oor betalings.
Indien u ons Dienste vir aankope of finansiële transaksies gebruik (soos wanneer u iets op Facebook koop, ’n aankoop in ’n speletjie maak, of ’n donasie maak), versamel ons inligting oor die aankoop of transaksie. Dit sluit u betalingsinligting in, soos u krediet- of debietkaartnommer en ander kaartinligting, en ander rekening- en waarmerkingsinligting, asook fakturering-, versending- en kontakbesonderhede. Toestelinligting.
Ons versamel inligting van of oor die rekenaars, fone of ander toestelle waar u ons Dienste installeer of toegang daartoe verkry, afhangende van die toestemmings wat u verleen het. Ons kan dalk die inligting wat ons van u verskillende toestelle versamel, in verband bring wat ons help om volgehoue Dienste op al u toestelle te verskaf. Hier is ’n paar voorbeelde van die toestelinligting wat ons versamel: - Attribute soos die bedryfstelsel, hardewareweergawe, toestelinstellings, lêer- en sagtewarename en -tipes, battery en seinsterkte, en toestelidentifiseerders.
- Toestelliggings, insluitend spesifieke geografiese liggings, soos deur GPS, Bluetooth, of Wi-Fi-seine.
- Verbindingsinligting, soos die naam van u selfoonverskaffer of ISP, blaaiertipe, taal en tydsone, selfoonnommer en IP-adres.
Inligting vanaf webwerwe en toepassings wat ons Dienste gebruik.
Ons versamel inligting wanneer u derdepartywebwerwe en -toepassings besoek of gebruik wat ons Dienste gebruik (soos wanneer hulle ons Hou van-knoppie of Facebook-aanmelding bied of ons maatstaf- en reklamedienste gebruik). Dit sluit inligting in oor die webwerwe en toepassings wat u besoek, u gebruik van ons Dienste op daardie webwerwe en toepassings, asook inligting wat die ontwikkelaar of publiseerder van die toepassing of webwerf aan u of ons verskaf. Inligting vanaf derdepartyvennote.
Ons ontvang inligting oor u en u aktiwiteite op en nie op Facebook nie vanaf derdepartyvennote, soos inligting vanaf ’n vennoot wanneer ons gesamentlik dienste aanbied of vanaf ’n adverteerder oor u ervaring van of interaksie met hulle. Facebook-maatskappye.
Ons ontvang inligting oor u vanaf maatskappye wat deur Facebook besit of bedryf word, ooreenkomstig hulle bepalings en beleide. Kom meer te wete oor hierdie maatskappye en hulle privaatheidsbeleide. Hoe gebruik ons hierdie inligting?
Ons is passievol daaroor om innemende en gepasmaakte ervarings vir mense te skep. Ons gebruik al die inligting wat ons het om ons te help om ons Dienste te verskaf en te ondersteun. So maak ons:Verskaf, verbeter en ontwikkel Dienste.
Ons is in staat om ons Dienste te lewe, inhoud te verpersoonlik, en voorstelle aan u te maak deur hierdie inligting te gebruik om te verstaan hoe u ons Dienste gebruik en daarmee omgaan en die mense of dinge waaraan u koppel of in belang stel op en nie op ons Dienste nie. Ons gebruik ook inligting wat ons het om kortpaaie en voorstelle aan u te verskaf. Ons kan byvoorbeeld voorstel dat u vriend u in ’n foto gemerk het deur u vriend se foto’s te vergelyk met inligting wat ons saamgestel het vanaf u profielfoto’s en ander foto’s waarin u gemerk is. Indien hierdie kenmerk vir u geaktiveer is, kan u beheer of ons moet voorstel dat ’n ander gebruiker u in ’n foto merk deur die “Tydlyn en merking”-instellings te gebruik.
Wanneer ons ligginginligting het, gebruik ons dit om ons Dienste vir en ander te pasmaak, soos om u te help om aan te meld en die plaaslike geleenthede of aanbiedings in u area te vind of u vriende in te lig dat u in die omtrek is.
Ons doen opnames en navorsing, toets kenmerke wat tans ontwikkel word, en ontleed inligting wat ons het om produkte en dienste te evalueer en te verbeter, nuwe produkte of kenmerke te ontwikkel, en oudits en foutspeurings uit te voer.
Kommunikeer met u.
Ons gebruik inligting om bemarkingskommunikasie aan u te stuur, met u oor ons Dienste te kommunikeer en u in te lig oor ons beleide en bepalings. Ons gebruik ook u inligting om te antwoord wanneer u ons kontak. Wys en meet reklame en dienste.
Ons gebruik die inligting wat ons het om ons reklame- en maatstafstelsels te verbeter sodat ons vir u relevante reklame op en nie op ons Dienste nie kan wys en die doeltreffendheid en reikwydte van reklame en dienste kan meet. Kom meer te wete oor reklame op ons Dienste en hoe u kan beheer hoe inligting oor u gebruik word om die reklame te verpersoonlik wat u sien. Bevorder veiligheid en sekuriteit.
Ons gebruik die inligting wat ons het om te help om rekeninge en aktiwiteit te verifieer, en om veiligheid en sekuriteit op en nie op ons Dienste nie te bevorder, soos om verdagte aktiwiteit of oortredings van ons bepalings of beleide te ondersoek. Ons werk hard daaraan om u rekening te beskerm deur spanne ingenieurs, geoutomatiseerde stelsels, en gevorderde tegnologie, soos enkripsie en masjienleer te gebruik. Ons bied ook sekuriteitsnutsdinge wat maklik is om te gebruik om ’n ekstra vlak van sekuriteit by u rekening te voeg. Vir meer inligting oor die bevordering van veiligheid op Facebook, besoek die Facebook-sekuriteitshulpsentrum. Hoe word hierdie inligting gedeel?
Deling op ons Dienste
Mense gebruik ons Dienste om aan ander te koppel en met hulle te deel. Ons maak dit moontlik deur u inligting op die volgende maniere te deel: Mense met wie u deel en mee kommunikeer.
Wanneer u deel en kommunikeer deur ons Dienste te gebruik, kies u die gehoor wat kan sien wat u deel. Wanneer u byvoorbeeld op Facebook plaas, kies u die gehoor vir die plasing, soos ’n gepasmaakte groep individue, al u Vriende, of lede van ’n Groep. So ook wanneer u Messenger gebruik, kies u ook die mense aan wie u foto’s of boodskappe stuur. Publieke inligting is enige inligting wat u met ’n publieke gehoor deel, asook inligting in u Publieke profiel, of inhoud wat u op ’n Facebook-Blad of ’n ander publieke forum deel. Publieke inligting is beskikbaar aan almal op en nie op ons Dienste nie en dit kan deur aanlyn soekenjins, API’s, en vanlyn media, soos op TV, gesien of toegang tot verkry word.
In sommige gevalle kan mense met wie u deel of kommunikeer, hierdie inhoud aflaai of met ander mense deel op en nie op ons Dienste nie. Wanneer u op ’n ander persoon se plasing ’n opmerking maak of van hulle inhoud op Facebook hou, bepaal daardie persoon die gehoor wat u opmerking of hou van kan sien. As hulle gehoor publiek is, sal u opmerking ook publiek wees.
Mense wat inhoud sien wat ander oor u deel.
Ander mense kan dalk ons Dienste gebruik om inligting oor u met die gehoor te deel wat hulle kies. Mense kan dalk byvoorbeeld ’n foto van u deel, u by ’n ligging in ’n plasing noem of merk, of inligting oor u deel wat u met hulle gedeel het. As u bekommerd is oor iemand se plasing, is sosiale rapportering ’n manier vir mense om vinnig en maklik hulp te vra by iemand wat hulle vertrou. Kom meer te wete. Toepassings-, webwerf- en derdeparty-integrasie op ons Dienste of wat dit gebruik.
Wanneer u derdepartytoepassings, -webwerwe of ander -dienste gebruik wat ons Dienste gebruik of daarby geïntegreer is, kan hulle dalk inligting ontvang oor wat u plaas of deel. Wanneer u byvoorbeeld ’n speletjie saam met u Facebook-vriende speel of Facebook se Opmerking- of Deel-knoppie op ’n webwerf gebruik, kan die speletjie-ontwikkelaar of -webwerf dalk inligting oor u aktiwiteite in die speletjie kry of ’n opmerking of skakel ontvang wat u vanaf hulle webwerf op Facebook deel. Wanneer u ook derdepartydienste aflaai of gebruik, kan hulle toegang verkry tot u Publieke profiel, wat u gebruikernaam of gebruiker-ID, u ouderdomsbestek en land/taal, u lys van vriende, asook enige inligting wat u met hulle deel, insluit. Inligting wat deur hierdie toepassings, webwerwe of geïntegreerde dienste versamel word, is onderhewig aan hulle eie bepalings en beleide. Kom meer te wete oor hoe u die inligting oor u kan beheer wat u of ander met hierdie toepassings en webwerwe deel.
Deling binne Facebook-maatskappye.
Ons deel inligting wat ons oor u het, binne die familie van maatskappye wat deel van Facebook is. Kom meer te wete oor ons maatskappye. Nuwe eienaar.
Indien die eienaarskap of beheer van al, of deel van, ons Dienste of hulle bates verander, kan ons dalk u inligting na die nuwe eienaar oordra. Deling met derdepartyvennote en -klante
Ons werk saam met derdepartymaatskappye wat ons help om ons Dienste te verskaf en te verbeter of wat ons verwante produkte adverteer, wat dit vir ons moontlik maak om ons maatskappye te bestuur en gratis dienste aan mense regoor die wêreld te verskaf. Hier is die tipe derdepartye met wie ons inligting oor u kan deel:
Reklame-, maatstaf- en ontledingsdienste (Slegs nie-persoonlik identifiseerbare inligting).
Ons streef daarna dat ons reklame net so relevant en interessant moet wees soos die ander inligting wat u op ons Dienste vind. Met dit in gedagte, gebruik ons al die inligting wat ons oor u het om relevante reklame aan u te rig. Ons deel nie inligting wat u persoonlik identifiseer (persoonlik identifiseerbare inligting is inligting soos naam of e-posadres wat op sy eie gebruik kan word om u te identifiseer, of identifiseer wie u is) met reklame-, maatstaf- of ontledingsvennote nie, tensy u ons toestemming gee. Ons kan dalk inligting aan hierdie vennote verskaf oor die reikwydte en doeltreffendheid van hulle reklame sonder om inligting te verskaf wat u persoonlik identifiseer, of indien ons die inligting versamel het sodat dit u nie persoonlik identifiseer nie. Ons kan dalk byvoorbeeld ’n adverteerder inlig hoe goed hulle advertensies vaar, of hoeveel mense hulle advertensies bekyk het of ’n toepassing geïnstalleer het nadat hulle ’n advertensie gesien het, of nie-persoonlik identifiseerbare demografiese inligting (soos 25-jare vrou, in Madrid, wat hou van sagteware-ingenieurswese) aan hierdie vennote verskaf om hulle te help om hulle gehoor of klante te verstaan, maar slegs nadat die adverteerder ingestem het om ons adverteerderriglyne na te kom. Lees asseblief ons reklamevoorkeure om te verstaan waarom u ’n spesifieke advertensie op Facebook sien. U kan u reklamevoorkeure verstel indien u u reklame-ervaring op Facebook wil beheer en bestuur.
Verkopers, diensverskaffers en ander vennote.
Ons dra inligting oor aan verkopers, diensverskaffers en ander vennote wat wêreldwyd ons besigheid ondersteun, soos om tegniese infrastruktuurdienste te verskaf, te ontleed hoe ons Dienste gebruik word, om die doeltreffendheid van advertensies en dienste te meet, klantediens te verskaf, betalings te fasiliteer, of akademiese navorsing en opnames uit te voer. Hierdie vennote moet streng vertroulikheidsverpligtinge nakom op ’n manier wat strook met hierdie Databeleid en die ooreenkomste wat ons met hulle aangaan. Hoe kan ek inligting oor my bestuur of uitvee?
U kan die inhoud en inligting wat u deel wanneer u Facebook gebruik deur die Aktiwiteitslognutsding bestuur. U kan ook inligting aflaai wat met u Facebook-rekening verband hou deur ons Laai-u-inligting-af-nutsding.Ons berg data vir solank as wat dit nodig is om produkte en dienste aan u en ander te verskaf, insluitend dit wat hierbo uiteengesit is. Inligting wat met u rekening verband hou, sal bewaar word tot u rekening uitgevee is, tensy ons nie meer die data benodig om produkte en dienste te verskaf nie.
U kan enige tyd u rekening uitvee. Wanneer u u rekening uitvee, vee ons dinge uit wat u geplaas het, soos u foto’s en statusopdaterings. As u nie u rekening wil uitvee nie, maar tydelik nie Facebook wil gebruik nie, kan u dalk eerder u rekening deaktiveer. Om meer te wete te kom oor die deaktivering of uitwissing van u rekening, klik hier. Hou in gedagte dat inligting wat ander oor u gedeel het, nie deel van u rekening is nie en nie uitgevee sal word wanneer u u rekening uitvee nie.
Hoe reageer ons op regsversoeke of voorkom ons leed?
Ons kan dalk toegang tot u inligting verkry, dit bewaar en deel in reaksie op ’n regsversoek (soos ’n soeklasbrief, hofbevel of dagvaarding) indien ons van die oortuiging is dat die wet van ons vereis om dit te doen. Dit kan dalk insluit om op regsversoeke te reageer van jurisdiksie wat buite die Verenigde State val indien ons van die oortuiging is dat die reaksie deur wetgewing in daardie jurisdiksie vereis word, gebruikers in daardie jurisdiksie raak, en dit strook met standaarde wat internasionaal herken word. Ons kan dalk ook toegang tot inligting verkry, dit bewaar en deel indien ons van die oortuiging is dat dit nodig is om: bedrog en ander onwettige aktiwiteit te bespeur, te voorkom en te hanteer; onsself, u en ander te beskerm, insluitend as deel van ondersoeke; of dood of dreigende liggaamlike leed te voorkom. Ons kan dalk byvoorbeeld inligting aan derdepartyvennote verskaf oor die betroubaarheid van u rekening om bedrog en misbruik van en nie van ons Dienste nie te voorkom. Inligting wat ons oor u ontvang, insluitend finansiële transaksiedata wat met aankope verband hou wat met Facebook gemaak is, kan dalk vir ’n verlengde tydperk toegang tot verkry word, verwerk en behou word wanneer dit die onderwerp van ’n regsversoek of -verpligting is, regeringsondersoek is, of ondersoeke is rakende moontlike oortredings van ons bepalings of beleide, of om andersins leed te voorkom. Ons kan dalk ook inligting behou vir ten minste ’n jaar van rekeninge wat gedeaktiveer is weens oortredings van ons bepalings om herhaalde misbruik of ander oortredings van ons bepalings te voorkom.Hoe ons wêreldwye dienste werk
Facebook kan dalk intern binne sy familie van maatskappye of met derde partye inligting deel vir doeleindes wat in hierdie beleid uiteengesit is. Inligting wat binne die Europese Ekonomiese area (“EEA”) versamel word, kan byvoorbeeld na lande buite die EEA oorgedra word vir doeleindes wat in hierdie beleid uiteengesit is. Ons gebruik standaard kontrakklousules wat deur die Europese Kommissie goedgekeur is, neer ander maniere onder Europese Unie-wetgewing aan, en verkry toestemming om data-oordragte vanaf die EEA na die Verenigde State en ander lande te wettig.U kan ons met vrae of bekommernisse kontak deur die inligting hieronder te gebruik. Ons kan dalk ook dispute oplos wat u met ons het rakende ons privaatheidsbeleide en -praktyke deur TRUSTe. U kan TRUSTe deur hulle webwerf kontak.
Hoe sal ons u van veranderings aan hierdie beleid in kennis stel?
Ons sal u in kennis stel voor ons veranderings aan hierdie beleid maak en aan u die geleentheid gee om die hersiene beleid te lees en opmerkings te maak voor u voortgaan om ons Dienste te gebruik.Hoe om Facebook met vrae te kontak
Om meer te wete te kom oor hoe privaatheid op Facebook werk, gaan kyk asseblief na Basiese beginsels van privaatheid Indien u vrae oor hierdie beleid het, kan u ons op die volgende manier bereik:Indien u in die VSA of Kanada woon...
Kontak asseblief Facebook, Inc. aanlyn of per pos by:
Facebook, Inc.
1601 Willow Road
Menlo Park, CA 94025
1601 Willow Road
Menlo Park, CA 94025
Indien u iewers anders woon...
Die databeheerder wat vir u inligting verantwoordelik is, is Facebook Ireland Ltd., wat u aanlyn of per pos kan kontak by:
Facebook Ireland Ltd.
4 Grand Canal Square
Grand Canal Harbour
Dublin 2 Ierland
4 Grand Canal Square
Grand Canal Harbour
Dublin 2 Ierland
Datum laas hersien: 29 September 2016
