Germania

Bandêa da Germania

A poxiçión da Germania in sciâ càrta giögràfica

Nomme offiçia: Bundesrepublik Deutschland, pàize de l' Euròpa çentrâ, pàize fondatô da Comunitæ Europea into 1957 (a-o tempo Germania Oççidentâ), a seu capitâ a l'è Berlin. A Germania a confinn-a a nòrd co-o mâ do Nòrd, a Danemarca e o mâ Baltego; a levante co-a Pòlònia e a Repubbrica Ceca; a sud co l'Austria e a Svissëa e a ponente co-a Fransa, o Luscemburgo, o Belgio e i Paixi Basci

A Germania a l'è unn-a repûbbrica federâ de sezze stati (dîti Bundesländer in tedesco). O pàize into passòu o l'êa formòu da diversci stati sovren co-a so coltùa, religión e stöia, l'unificaçión a l'è stæta compìa into 1871.

A repûbbrica federâ de Germania a l'è parte de Nacioin Unïe, de l'OTAN, do G8 e da Comunitæ Europea. A l'è a ciù popolôsa e economicamente fòrte naçión da Comunitæ Europea e a tèrsa naçion do móndo pe economia e pe esportaçión.

Stöia

Divixoìn e reunificaçión (1945-90)

A Germania into 1945

Da-a fin da segonda guæra mondiâ a Germania e a seu capitâ son stæte spartïe in te quattro zone de occupaçion. I settoi ocupæ da Fransa, Regno Unïo e Stati Unïi d'America se son unîi o 23 de Mazzo do 1949 pe formâ a Repubbrica Federâ de Germania, o settô ocupòu da l'Union de Repubbriche Soçialiste Sovietiche o l'à formòu a Repubbrica Democratega Tedesca o 7 de Ötobre do 1949. I doî stati ean dîti a-e cûrte: Germania Ovest e Germania Est respettivamente.

Divixioin Amministratïve

A Germania a l'è divîza inte 16 stati:

Nomme zeneize			Nomme tedesco
Stato		Capitâ	Land	Hauptstadt
1	Baden-Würrtenberg	Stoccarda	Baden-Württemberg	Stuttgart
2	Stato franco da Bavea	Monego	Freistaat Bayern	München
3	Berlin	Berlin	Berlin	Berlin
4	Brandenburgo	Potsdam	Brandenburg	Potsdam
5	Franca Çittæ Anseatega de Bremma	Bremm-a	(Freie Hansestadt) Bremen	Bremen
6	Franca Çittæ Anseatega de Ambùrgo	Ambùrgo	(Freie und Hansestadt) Hamburg	Hamburg
7	Assia	Wiesbaden	Hessen	Wiesbaden
8	Mecklenburgo Pomerania Oççidentâ	Schwerin	Mecklenburg-Vorpommern	Schwerin
9	Bassa Sassonia	Hannover	Niedersachsen	Hannover
10	Renania do Nòrd-Vestfallia	Düsseldorf	Nordrhein-Westfalen	Düsseldorf
11	Renania Palatinato	Mainz	Rheinland-Pfalz	Mainz
12	Saarland	Saarbrücken	Saarland	Saarbrücken
13	Stato franco da Sassonia	Dresda	(Freistaat) Sachsen	Dresden
14	Sassonia Anhalt	Magdeburgo	Sachsen-Anhalt	Magdeburg
15	Schleswig Holstein	Kiel	Schleswig-Holstein	Kiel
16	Stato franco da Turingia	Erfurt	(Freistaat) Thüringen	Erfurt