Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Donderdag, 5 Oktober 2017 Hier is tans 47 082 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Olimpiese Somerspele 2012 (Engels: 2012 Summer Olympics), amptelik bekend as die Spele van die XXXste Olimpiade, is tussen 27 Julie en 12 Augustus 2012 in Londen, Verenigde Koninkryk, aangebied. Tydens die geleentheid het 10 568 atlete uit 204 nasies aan 302 items in 26 verskillende sportsoorte deelgeneem. Danksy die insluiting van vroueboks was daar vir die eerste keer in alle sporte vroulike deelnemers.

Dit was die dertigste aanbieding van die Somerspele sedert 1896. Dit was ook die derde keer dat Londen die spele georganiseer het na hulle eerste spele in 1908 en daarna in 1948.

Die opening- en sluitingseremonies het in die Olimpiese Stadion plaasgevind. Soos gebruiklik het die lande in alfabetiese volgorde die stadion ingestap met Griekeland die eerste en die gasheer die Verenigde Koninkryk die laaste. Caster Semenya, atleet en Wêreldkampioen tydens die Atletiekwêreldbeker in 2009, het die Suid-Afrikaanse vlag ingedra.

Die Paralimpiese Somerspele 2012 is tussen 29 Augustus en 9 September in Londen gehou.

...lees verder

In die nuus

Die Suid-Afrikaner Kirsten McCann wen 'n wêreldtitel in roei te Sarasota, Florida.
Die Amerikaanse bokser Jake LaMotta sterf op 95 in Aventura, Florida.
Die ruimtetuig Cassini-Huygens word ná 13 jaar in Saturnus se atmosfeer ingestuur om uit te brand.
Tydens die Internasionale Olimpiese Komitee se 131ste sitting in Lima, Peru, word die Olimpiese Somerspele 2024 aan die Franse hoofstad Parys en die Olimpiese Somerspele 2028 aan die Amerikaanse stad Los Angeles toegewys.
Tydens die VSA Ope wen die Amerikaanse tennisspeler Sloane Stephens haar eerste Grand Slam-toernooi, terwyl die Spanjaard Rafael Nadal sy 16de toernooi wen.

Het u geweet...

...dat 'n mens se hart ongeveer 101 000 keer 'n dag klop? Tydens 'n gemiddelde leeftyd sal 'n hart ongeveer 400 miljoen liter bloed pomp.
...dat Leonardo da Vinci se Mona Lisa in 1912 uit die Louvre, in Parys gesteel is? In die drie jaar voor dit teruggevind is, is ses kopieë as die ware Jakob teen reuse pryse verkoop.

Vandag in die geskiedenis

5 Oktober: Republiekdag in Portugal (1910)

1740 – Iwan VI van Rusland word as baba deur keiserin Anna aangeneem en as haar opvolger aangewys met sy ma, ook Anna, as regent.
1877 – Ná meer as drie maande van gevegte met die Verenigde State se magte, gee die inheemse Amerikaanse stam Nez Percé oor.
1930 – Tydens sy nooiensvaart na Indië stort die Britse lugskip R101 neer in Frankryk, met die verlies van 48 passasiers en bemanningslede.
1970 – Lede van die Quebec-bevrydingsbeweging ontvoer 'n Britse diplomaat en dit lei tot die Oktoberkrisis in Montreal, Kanada.
2006 – Fredrik Reinfeldt word as eerste minister van Swede verkies.