2013

Yarcenti:	20ma yarcento · 21ma yarcento · 22ma yarcento
Yardeki:	yari 1990ma yari 2000ma yari 2010ma yari 2020ma yari 2030ma
Yari:	2011 2012 2013 2014 2015

Indexo

1 Eventi
- 1.1 Ido
2 Naski
3 Morti
4 Nobel-premiiziti
5 Referi

Eventi[redaktar | redaktar fonto]

11ma di januaro - En Somalia, 1 Franca soldato e 17 militanti mortas dum faliant atako por liberigar Franca gajo-homo che la vilajo Bulo Marer.
20ma di januaro - Komencas la duesma mandato di Barack Obama kom prezidanto di Usa.
27ma di januaro - Fairo che noktala klubo an l'urbo Santa Maria, Rio Grande do Sul, Brazilia produktas 245 morti.^[1]
31ma di januaro - Explozo en la sideyo di Mexikiana petrolo-kompanio Pemex en México mortigas adminime 33 personi e vundas plu kam 100 plusa homi.
1ma di februaro - En London l'edifico The Shard, la maxim alta edifico di Europana Uniono (304.1 metri sen la anteno), apertesas a publiko.
6ma di februaro - Ter-tremo kun forteso 8 che la skalo di Richter frapas l'Insuli Salomon e produktas 10 morti e 17 vunditi.
10ma di februaro - En Allahabad, India fug-panikesko produktas 36 mortinti e 39 vunditi dum Kumbh Mela festo.
11ma di februaro - Papo Benedictus la 16ma anuncas lua renunco, qua eventas ye la 28ma di februaro sam yaro.
12ma di februaro - Nord-Korea triesmafoye probas atomal armi.
15ma di februaro - Bolido explozas super Chelyabinsk, Rusia, domajas 1.491 personi ed avarias plua kam 4.300 edifici.
16ma di februaro - Atako per bombo en Quetta, Pakistan, produktas plu kam 80 morti e 190 vunditi.
28ma di februaro - En Yemen 1 manifestanto mortigesas e quar vundesas en la provinco Al Dalea, dum konfronti pri la nedependo di Sud-Yemen.
13ma di marto - Kardinalo Jorge Mario Bergoglio elektesas papo ed adoptas la nomo Franciscus.
30ma di aprilo - Rejino Beatrix di Nederlando abdikas.
8ma di mayo - En Mogadishu, Somalia, 19 personi mortas pro suocidant atako per bombi, dum l'interna milito en Somalia.
18ma di mayo - Emmelie de Forest vinkis Eurovidado konkurso di kansono per elua kansono Only Teardrops.
junio til julio - En multa Brazilian urbi komencas eventar protesti kontre l'augmento di bilietopreci por autobusi, urbala fervoyi e treni. Multa manifestanti kunvokesas per Facebook ed altra sociala reti por partoprenar en la protesto-movadi. Pose la protesti kreskos e mixos politikal ed ekonomiala temi, exemple: protesti kontre kelka politiki, favoreble o kontre samasexua mariaji, kontre legi qui desfaciligus la puniso di korupto, edc. Pos l'augmento di kazi di vandaleso e violento, la forco di la protesti diminutos.
24ma di junio - En Italia, ex-chefministro Silvio Berlusconi kondamnesas pro trouzo de povo e pro mantenir sexuala relati kun minora prostitucatino, e punisesas per 7-yara enkarcerigo.
30ma di junio - En Arizona 19 incendio-gardisti mortas kande probis kontrolar fairo che la vilajeto Yarnell.
1ma di julio - Kroatia divenas membro dil Europana Uniono.
24ma di julio - Acidento di treno en alta rapideso proxim Santiago de Compostela, Hispania, produktas 79 morti. La treno mustis proximigar kurvigo a 80 km/h, ma proximigis ol a 190 km/h, pro neprudentajo de lua duktisto.^[2]
21ma di agosto - En Siria, atako per kemial armi mortigas plua kam 1.400 personi, segun la viceprezidanto di Usa John Kerry.^[3]
27ma di septembro - Unesmafoye depos 1980, la prezidanti di Usa Barack Obama, ed Iran Hassan Rohani, konversas per telefonilo.
15ma di oktobro - Ter-tremo kun forteso 7.2 che la skalo di Richter frapas Filipini e produktas plua kam 215 morti.
16ma di oktobro - Aviono ATR 72 di Lao Airlines flugante de Vientiane til Pakse dronesas en fluvio Mekong e mortigas omna 49 personi ennave.
8ma di novembro - Tifono Haiyan, un ek la maxim forta tifoni konocata, frapas Visayas en Filipini. La tifono produktas plu kam 1 miliardo de dolari en domaji e 6.201 morti, segun statistiki de la 29ma di januaro 2014.
17ma di novembro - En Rusia, aviono Boeing 737 de Tatarstan Airlines kolizionas ante tervenar en l'aeroportuo di Kazan. Omna 6 membri de la kruo e la 44 voyajanti perisas.
5ma di decembro - Kardinalo Sean Patrick O'Malley anuncas ke Vatikano kreos komitato por analizar, punisar e preventar kazi pri pedofilio en la katolik-eklezio.^[4]
5ma di decembro - En Tel Aviv, Israelana chefministro Benyamin Netanyahu diskutas kun Usana reprezentero John Kerry pri la paco e l'agnosko di Palestinana stato.^[5]
13ma di decembro - Pos quar yari Michelle Bachelet vinkas itere la prezidantal elekto en Chili.
14ma di decembro - Kosmoprobilo Chang'e 3 de Populala Republiko di Chinia tervenas en la surfaco di la Luno e liberigas automata vehilo Yutu ("Jada kuniklo") por explorar ol, en l'unesma lunala misiono pos 37 yari.
14ma di decembro - Adminime 3 personi mortas en Israel pos intensa nivosturmo.
16ma di decembro - Acidento kun autobuso en Manila, Filipini, produktas adminime 18 morti.
19ma di decembro - En London, la tekto dil teatro Apollo krulas, e 88 spektanti vundesas.^[6]
23ma di decembro - Rusia liberigas du mulieri membri de la muzikala bando Pussy Riot, pos amnestio-lego signatita dal prezidanto Vladimir Putin.
25ma di decembro - Tyler Armstrong, puero evante 9 yari, divenas la maxim yuna homo qua atingis la somito di Aconcagua, la maxim alta monto di Sud-Amerika.
28ma di decembro - En Yemen 1 manifestanto mortigesas e quar vundesas en la provinco Al Dalea, dum konfronti pri la nedependo di Sud-Yemen.
29ma di decembro - Suocidant atako kontre la staciono di treni en Volgograd, Rusia, produktas 18 morti.