Ros
De Vichipedie, la enciclopedie libare dute in marilenghe.
Il ros al è un dai colôrs dal spetri percepibil dal voli uman. Al à la frecuence plui basse e, conseguentementri, la lungjece di onde plui lungje di ducj i altris colôrs visibii (jenfri 630 e 760 nanometris).
Lis frecuencis ancjemò plui bassis a ricjadin tal infraros.
Al è un dai trê colôrs primaris aditîfs, il so colôr complementâr al è il blu. In passât al jere considerât ancje un colôr primari sotratîf, mintri che il colôr doprât tai modernis sistemis di stampe a colôrs al è il magjente.
Ordenadôr[cambie | modifiche il codiç]
La combinazion RGB pal ros e je 255, 0, 0.
Simbolisim[cambie | modifiche il codiç]
- Il ros al è doprât come segnâl di pericul o di emergjence.
- Te storie e te politiche, il ros al è un colôr doprât dai rivoluzionaris vie pe rivoluzion dal 1848, e ancje da lis cjamesis rossis di Josef Garibaldi tal Resuriment talian.
- Te liturgjie catoliche, il ros al è il colôr doprât par la Domenie des Palmis, dal Vinars Sant, tes Pentecostis e de solenitâts dai martiris.
