CDA

Rais Magufuli amerusha Kombora CDA na kuivunjilia mbali

• Report rights infringement
• published: 15 May 2017
• views: 15490

Rais Magufuli leo ameivunjilia mbali Mamlaka ya Ustawishaji Makao Makuu CDA (Capital Development Authority) Dodoma kama alivyoahidi kwenye kampeni za Uchaguzi kutokana na mkanganyiko wa shunguli zake na Halmashauri ya Dodoma. Rais Magufuli pia amesema wafanyakazi wote waliokuwa wakifanya kazi katika mamlaka hiyo watapangiwa kazi nyingine, huku wengine wakielezwa kuwa watahamishiwa katika halmashauri ya Dodoma kwakuwa halamashauri hiyo ina upungufu mkubwa wa wafanyakazi. What were the ROLES AND FUNCTIONS OF CDA? KAZI NA MAJUKUMU YA CDA yalikuwa ni yapi? i. To implement the decision to transfer the Capital of Tanzania to Dodoma. ii. To prepare plans for the development of Dodoma as the Capital of Tanzania and submit the same to the president, and further to implement the plans approved by the president. iii. To carry out and effect the necessary development of Dodoma so as to renderthe same suitable for the Capital of Tanzania. iv. To advise and assist the Government on orderly transfer to Dodoma of various Government Institutions and other public officers. v. To acquire and hold, subject to the directions of the president, land and other immovable properties. vi. To provide any service or facilities which any ministry, Department or division of the Government, any public corporation or other parastatal institution, or any company, firm or other person may require for an orderly transfer of its business, activities, and personnel to Dodoma. vii. To do anything or to enter into any transaction which, in the opinion of the Board of Directors, is calculated to facilitate the proper and efficient carrying of its activities and the proper performance of its functions. Rais wa Jamhuri ya Muungano wa Tanzania Mhe. Dkt. John Pombe Magufuli, leo tarehe 15 Mei, 2017 ameivunja rasmi Mamlaka ya Ustawishaji Makao Makuu Dodoma (CDA) na ameagiza mali na shughuli zote zilizokuwa zikifanywa na CDA zihamishiwe Halmashauri ya Manispaa ya Dodoma. Mhe. Rais Magufuli ameivunja CDA kwa kutia saini hati ya Amri ya Rais ya kuivunja Mamlaka hiyo Ikulu Jijini Dar es Salaam, tukio ambalo limeshuhudiwa na Makamu wa Rais Mhe. Samia Suluhu Hassan, Waziri Mkuu Mhe. Kassim Majaliwa Majaliwa, Waziri wa Ardhi, Nyumba na Maendeleo ya Makazi Mhe. William Vangimembe Lukuvi, Waziri wa Sheria na Katiba Mhe. Prof. Palamagamba John Aidan Mwaluko Kabudi, Naibu Waziri wa Nchi Ofisi ya Waziri Mkuu Sera, Bunge, Kazi, Vijana, Ajira na Wenye Ulemavu Mhe. Antony Mavunde, Katibu Mkuu Kiongozi Mhe. Balozi John Kijazi, Mkuu wa Mkoa wa Dodoma Bw. Jordan Rugimbana na viongozi mbalimbali wa wizara. Mhe. Rais Magufuli amesema ameamua kuivunja CDA na kuhamishia majukumu yake katika Halmashauri ya Manispaa ya Dodoma ili kuondoa mkanganyiko wa utoaji wa huduma kwa wananchi uliokuwa ukisababishwa na mgongano kati ya vyombo hivyo viwili na pia kuendana na mahitaji ya sasa ambayo yamedhihirisha kuwa hakuna haja ya kuwepo kwa CDA. Kufuatia uamuzi wa kuivunja CDA, Mhe. Dkt. Magufuli pia ameivunja Bodi ya CDA, aliyekuwa Mkurugenzi Mkuu wa CDA Mhandisi Paskasi Muragili atapangiwa kazi nyingine na ameagiza wafanyakazi wote wa Mamlaka hiyo wahamishiwe Halmashauri ya Manispaa ya Dodoma na ofisi nyingine za Serikali kadiri inavyofaa. Aidha, Mhe. Rais Magufuli ameagiza hati zote za kumiliki ardhi zilizokuwa zikitolewa na CDA kwa ukomo wa umiliki wa miaka 33 zibadilishwe na kufikia ukomo wa umiliki wa miaka 99 kama ilivyo katika maeneo mengine nchini ili kuwavutia wawekezaji hasa wa viwanda. “Wananchi wa Dodoma wamelalamikia tatizo hili kwa muda mrefu sana, hata nilipokuwa kwenye kampeni zangu za uchaguzi mkuu wa mwaka 2015 walilalamika sana, sasa nimetekeleza niliyowaahidi, naamini kwa uamuzi huu malalamiko ya wananchi yatapata utatuzi na pia tutakuwa tumeondoa kikwazo cha umiliki wa muda mfupi wa ardhi uliosababisha wawekezaji kushindwa kujenga viwanda Dodoma. “Sasa majukumu yote yanahamishiwa Manispaa ya Dodoma, sitaki kuendelea kusikia visingizio, mkajipange mambo yaende vizuri” amesisitiza Mhe. Rais Magufuli. Makamu wa Rais Mhe. Samia Suluhu Hassan na Waziri Mkuu Mhe. Kassim Majaliwa Majaliwa wamemshukuru Mhe. Rais Magufuli kwa uamuzi huo na wameahidi kusimamia kwa ukaribu mchakato wa kuhamisha majukumu ya CDA kwenda Halmashauri ya Manispaa ya Dodoma. Mamlaka ya Ustawishaji Makao Makuu Dodoma (CDA) ilianzishwa kwa Amri ya Rais ya tarehe 01 Aprili, 1973 na kutangazwa kupitia tangazo la Serikali namba 230 na imevunjwa rasmi leo tarehe 15 Mei, 2017 kwa Amri ya Rais na kuchapishwa katika gazeti la Serikali. Gerson Msigwa Mkurugenzi wa Mawasiliano ya Rais, IKULU Dar es Salaam 15 Mei, 2017 Subscribe Our Channel: https://goo.gl/pnWPWT. Follow and Like Us On Facebook: https://goo.gl/GU6zXr.