Eventi +/-
en historio
dum julio
50, 100 e 250 yari ante nun …
27 di julio 1967. En la Unionita Rejio, akto di lego pri la Walsana linguo recevis rejala asento. La akto donis la yuro utiligar la Walsana linguo en procesi en Wals. Ol anke donis a la Ministro la yuro furnisar oficala dokumenti en la Walsana linguo. Depos la 16ma yarcento, nur la Angla esabis la linguo di korti di lego en Wals. En 1993, akto di lego donis plusa yuri egarde la Walsana linguo, tale ke en publika aferi en Wals, la linguo esis traktata egale kun la Angla linguo.
21 di julio 1917. Alexandr Kerenski divenis chefministro di la provizora guvernerio di Rusia. Il esabis ministro en ca guvernerio depos la revoluciono di februaro 1917. Ilua guvernado ne esis populara, precipue pro ilua susteno di partopreno di Rusia en la mondo-milito; ye la revoluciono di oktobro 1917, la Bolsheviki prenis povo. Pos periodo di celeso, il fugis Rusia e dum plura yari il rezidis en Paris. De 1940 il rezidis en Usa.
3 di julio 1767. La insulo Pitcairn, en la Pacifika Oceano, unesmafoye videsis da Europani, da navani di la Britana navo Swallow, di qua la komandanto esis kapitano Philip Carteret. Ol esis nomizata pro Robert Pitcairn, navano evanta 15 yari, la unesma qua vidis la insulo. La longitudala poziciono di la insulo esis nekorekte establisata da Carteret, e James Cook ne povis trovar ol en 1773. Ol esis ri-deskovrata en 1790 da la sedicianti di la navo Bounty, e li establisis su sur la insulo, konciante ke, pro la ne-korekta poziciono en mapi, li esus quaze celata.
|
|
|
Kunlaborez! +/-
Kick-boxing esas Angla termino deskriptiva por milital arti qua, quankam simila a boxo, uzas la pedi e anke la manui por frapar. Kick-boxing povas esar praktikesar por saneso generala, o kom kombat-sporto …
George Roger Waters (n. en 1943) esas Britaniana kompozisto, muzikisto e kantisto di rock. Ilu esis membro dil bando Pink Floyd.
Nanoteknologio esas la manipulo di materio ad atomala e molekulala nivelo.
La Biblioteko di Kongreso di Usa situesas en Washington DC ed okupas tri edificii (Edifico Thomas Jefferson, Edifico John Adams ed Edifico James Madison). Ol esas un ek la maxim granda biblioteki del mondo, kun plu kam 138 milioni dokumenti.
|
|