لمحات: أغنيات

‏إظهار الرسائل ذات التسميات أغنيات. إظهار كافة الرسائل

بدي اتجوز مندس وما باخد منحبكجي ..
هالمندس لو كان منتوف منطلعها درجي درجي

بدي اتجوز مندس ونحكي عن الحرية ..
ونجيب كوشات ولاد بس نخلص من البعثية

هالمندس يا عيني بيسوى مية مليون شبيح
بيعمر بلدو بإيدو ..ويا جبل ما تهزك ريح

اللي من شلة منحبك..صرعني بأمن وأمان

بيرقص و بيدربكلك وانا اتظاهر بالميدان !!!

هالمنحبكجي الجبان .. بيضل خايف من الأخوان
لو قلتلو " مدنية " ما بيفهمها هالحيوان

بيقلك بلدنا جنة .. وأنو حاميها ربي ..
وعم يشحد فيزا تيروح ع ها الغربة ..

عالدنيا ليل نهار وما همو كل مين ماتو
رغم الشهدا ،المعتقلين ما استحى ع دماتو

بعد الأخد وبعد الرد .. وشي يسار وشي يمين
بيقلي بشار منيح بس الل جنبو عاطلين ..

بدي اتجوز مندس ، ولو بالفرع مقضيها ...

وكلمة حرية منو بالدنيا واللي فيها

P.s فاصل ترفيهي تحشيشي .. جاي من أوفر دوز أحباطي .. فتغيرة شكل .. واللي حابب يلحنها يتفضل
اهداء خاص لصبايا الجروب السري

كلما حبات المطر غازلت أرض بلادي

وعصفور اللي عالشجر بصوتو عالشمس ينادي

بتخلق معن الموسيقى

كلما صوتك يحكي عني

وتهرب أنفاسي مني

بتخلق معن الموسيقى

صوت زقفة الإيد بالإيد

وضحكة طفلة يوم العيد

بتخلق معن الموسيقى

غنوا معنا والصوت يعلا

بالحب وحدو هالكون بيحلا

غنوا

خلوا هالماضي لهمّو

وللأمل اللي جاية ابتسموا

غنوا

لما النسمات بتداعب عالشجر الوراق

ولحن البوسة ع شفاف العشاق

والنهر الراجع للبحر مشتاق

هيدي كلها موسيقا

الطفل اللي بيكاغي لأمو

دمع الحزين بيشكي همو

نبضات قلب عاشق ، عالحب بيرقص دمو

هيدي كلها موسيقا

رفة علمنا عالعالي

ودقة اصابيع الناطر الغالي

صرخة الحرية ببالك وبالي

هيدي كلها موسيقا

مهما كانت أيامنا مرّة

هالعمر منعيشوا مرّة

غنوا

شو بتفرق ؟ شو دينك لونك

نغم الحب بيوحد كونك

غنوا

-----------

- كنا راجعين من حمص ’، أنا ورفقاتي والكل نايم بالباص

وكان المطر عم يضرب شباك الباص الراجعين فيه

وضو ما في ..

هيك خلقت هالغنية

- عم نفكر نبيعها .. وتتغنى ( هي من أوائل تجاربي للكتابة بالعامية .. لنشوف إذا بيمشي الحال )

كلّما شعرت بالاضطراب والفوضى ، ( كما هو حالي اليوم مثلا ً ) .. أسارع إلى السفر إلى بيتها
في جمال بيتها في حمص وحميمية أهلها .. أشعر أنني أكثر قدرة على التصالح مع كل شي ، حتى مع نفسي
دائما ً أعدها أن أكتب عنها شيئا ً " إن غنت لي " ، فصوتها من الأصوات التي تساعدني على التعرف على السلام
ولأن في داخلي الكثير من الغضب و الحزن ( الذي لا استطيع الكتابة عنه ، لا أدري لم لكني لا استطيع أن أشتكي ممن أحبهم ) ... فأجد منذ فترة صعوبة في الكتابة في لمحات ..
لذا سأترككم ، لتتعرفو إلى صوتها ..

صديقتي الغالية مرام .. .

ليه تلاوعيني

( اسمعولنا هالهيهات )يا غايبين

حيرانة ليه

وهون ..

عم تسألني مين قلي
لا تسأل ع شي وخلي
هالقلب مجروح

لا تسألني من شو قلبي
عم يحمل ويخبي
بيضلو مجروح
ولا يكون مفضوح
يمكن هلق يا عيوني
أحسنلك تروح

يمكن ( يمكن ها ) باقيلي شوية كرامة خليها
أنا صار لازم أحفظها وصونا وداريها
أي أنا ضيعت سنين
أي ويعني لمين
رح أترك أيامي الجاية قلي لمين
على مين رح فيك تخبي
ما بقيلي روح
ومع مين جاية عم تحكي
والقلب مدبوح
بيضلو مجروح ولا يكون مفضوح
يمكن هلق يا عيوني أحسنلك تروح

أي روح

مقضي حياتك كلا ..قاعد تتمنى
ما فيني قلك إلا تعيش وتتهنى ( يارب )
اي ما عبالك شي
وبيحلالك هالشي
همك انك تبقى كل شي وغيرك ولا شي
على مين شايفلي حالك ما حدا بيرضيك
وما عاد تفرق وحياتك بلاك ولا فيك ( :( )

________________________
ميادة بسيليس
أحسنلك تروح