封面
来自维基百科
时新图文
徐家匯是來勒上海徐匯區个高知名度地區搭商業中心,泛指北到廣元路,東到宛平路、宛平南路,西到宜山北路,南到南丹路搭仔斜土路个地段。渠是上海个四大副中心交十大商圈之一。
徐家匯个形成好上溯到明代。晚明科學家徐光啓曾勒箇𡍲建農莊別業,從事農業實驗並著書立說,過輩後就埋勒𡍲。伊个後代勒此地繁衍生息,暴開始叫“徐家庫”,慢慢較成爲集鎮。其地處蒲匯塘、肇嘉浜搭李漎涇三水匯合處,又因徐氏家族匯居於此,乃末勒清康熙年間得名徐家匯。
徐家匯是上海天主敎發源地。1842年天主敎耶穌會重新來華後,勒1847年選中徐家匯建立江南傳敎區个總部。乃朝看見个哥特式大敎堂來勒1910年建成,箇辰光畀稱爲遠東第一天主敎堂。敎堂鐘樓高50多米,勒1920年代以前是上海頂高个建築物。
乃朝个徐家匯商圈,弗單是一個高樓大廈鱗次櫛比,人來人往交關鬧猛个城市主要副中心,也是休閒娛樂、宗敎活動、美食林立、白領辮公搭觀光旅遊个主要場許。