God
In god is in hypotetysk boppeminsklik wêzen dat yn ferbân brocht wurdt mei aspekten fan de wrâld. Yn it bysûnder is God, mei in haadletter, de namme brûkt foar de god fan Abraham, dêr't de namme net fan neamd wurde mei, en it is dêrmei de namme brûkt foar de god fan ûnder oaren it Joadendom en it Kristendom.
Goaden yn religys[bewurkje seksje | boarne bewurkje]
It leauwen yn goaden is algemien, mar kultueren en religys ferskille yn it tal fan goaden, de aspekten dêr't de goaden mei ferbûn binne en de ferhâlding tusken de goaden en de minsken. Yn it bysûnder hawwe monoteistyske religys mar ien god, dy't ferbûn is mei alle aspekten fan de wrâld. Oan de oare ein binne der polyteistyske religys mei ferskate oarders fan goaden.
Monoteïsme[bewurkje seksje | boarne bewurkje]
Oanhingers fan guon religys leauwe dat der mar ien wiere god is, dy't almeast de skepper is fan de wrâld en fan de minsken. Dochs hawwe sokke religys faak oarders fan minder machtige mar al boppeminsklike wêzens, lykas ingels en duvels. De measte monoteistyske religys binne it der oer iens dat de god ivich bestiet; der is gjin begjin of ein oan de god.
Foar de religys basearre op de religy fan Abraham, wurdt yn it Frysk foar de god de namme God brûkt. Foar de god fan de Islam wurdt lykwols ek Allah brûkt, de werstavering fan de Arabyske namme.
Net bewiisber[bewurkje seksje | boarne bewurkje]
It bestean fan goaden is net wittenskiplik oantoant. Dit feit kin op ferskate wizen besjoen wurde:
- Ateisme giet der fan út dat at it bestean fan in god net bewiisber is, der dêrom gjin god bestean kin.
- Agnostisisme stelt dat de aard fan religy it ûnmûglik meitsje moat om it bestean fan in god wittenskiplik oan te toanen.
- Apatisme hat hielendal gjin belang by in god en it al as net bestean dêrfan.
- De logika seit dat as bewiisd wurde kin dat der gjin god bestiet, dat ek betsjut dat net bewiisd wurde kin dat der al in god bestiet. Mar dat it oarsom net jildt: as net bewiisd wurde kin dat der al in god bestiet, betsjut dat net dat bewiisd wurde kin dat der gjin god bestiet.
 |
Ofbylden dy't by dit ûnderwerp hearre, binne te finen yn de kategory God fan Wikimedia Commons. |
