Homer Simpson
Homer Jay Simpson estas fikcia ĉefrolulo de la televidserio La Simpsonoj. Li estas la patro de la samnoma familio. Kun lia edzino Marge, ili havas tri infanojn: Bart (10-jaraĝa), Lisa (8-jaraĝa) kaj Maggie (2-jaraĝa). Li laboras en la nuklea centralo de la fikcia urbo Springfield. Li enkorpigas kliŝojn pri usonana laborista klaso. Spite al sia rutina vivo ĉirkaŭurba, la tuta familio travivas multajn eksterordinarajn aventurojn.
Li estis kreita de usonana desegnisto Matt Groening, kiu nomis lin laŭ sia propra patro Homer Groening. Li surekraniĝis unuafoje la 19-an de aprilo 1987 en mallonga filmo Good Night (Bonan Nokton), kaj ekde la 17-a de decembro 1989, la televidserio estis elsendita de televidkanalo Fox.
La originala voĉaktoro (en la angla) estas Dan Castelanetta, kiu dublas ankaŭ aliajn rolulojn en la serio.