Mwaisse pådje

Vos estoz sol Wiccionaire walon

on spepieus motî do lingaedje walon del grande waibe "Wiktionary"

I a stî adjinçné tot fjhant rcopyî, pa des binamés robots, li "pordjet motî" k' esteut dedja so l' Eciclopedeye Wikipedia e walon. Tos les djivions (mots-intrêyes) ont stî rmetous drocial, mins totes les pådjes n' ont nén stî rcopeyes, veyanmint ki ci n' est nén l' minme etcherpetaedje. Did la, les årtikes ki revoyèt co al pådje do Wikipedia.

Li "pordjet motî" do Wikipedia walon aveut stî enondé å cmincî di l' "Esplicant motî do walon" del waibe "l' Aberteke", askepeye pa Lucyin Mahin et manaedjeye tecnicmint pa Pablo Sarachaga.

Mins, a fwait ki l' Wiccionaire vaici tchereye, gn a des intrêyes ki n' estént nén co dins ces deus sourdants la.

Nos estans li vénrdi 31 di måss 2017 eyet, pol moumint, li Wiccionaire walon est crås di 21 507 årtikes.

Mins, si vos vloz, vos ploz recråxhî vos-minme nosse Wiccionaire avou des noveas mots. Alez s' vey sol pådje d' aidance, droci. Po les modeles, gn a ene pådje d' aidance tote seule. Vos ploz ossu alez vey les bounès intrêyes u les dierins mots stitchîs d' noû : cial ou voci sorlon k' elle ont stî rmetowes so les tåves alfabetikes u nén.

Come di djusse, les mwaissès intrêyes, les esplikêyes et les fråzes d' egzimpe seront scrîtes e rfondou walon.

Sacwants sourdants (motîs diyalectolodjikes do walon)

Po les mots raspepyîs pår, vos cmincîz pa l' etimolodjeye, å pus sovint bén astokêye so les ovraedjes des grands linwincieus.

Adon-pwis, li prononçaedje e l' Alfabet Fonetike Eternåcionå. On dene aprume les prononçaedjes divins sacwants coines del Walonreye. Pu on "prononçaedje zero-cnoxheu" po des cis (cenes) ki cminçrént l' walon sins atnance aviè on metou viyaedje ou ene metowe veye do cotoû.

Shuvèt les mwaissès esplikêyes sol croejhete et l' sinsyince (semantike). Après çoula, n a co l' parintaedje, les mots d' aplacaedje, les sinonimes, les omofones possibes, li rlomêye do mot, li spårdaedje do mot e 20inme sieke.

Divant d' cwiter, vos åroz eto, dins on hagnon "Ortografeye", les scrijhas k' on pout ddja trover dins les motîs walons, soeye-t i e rfondou (di 1992 a asteure), e "sistinme Feller" (dispu li cmince do 20inme sieke), ezès sistinmes di dvant Feller (do 16inme sieke a mitan do 20inme) eyet minme, e li scrîta.

Po shuve, li tåvlea des ratournaedje do mot dins sacwants ôtes lingaedjes.

Mins, pus lon k' on simpe motî, li Wiccionaire prezinte eto, so ene pådje tote seule, des spots et des dijhêyes. Loukîz so les categoreyes «Spots e walon» et «Dijhêyes e walon».

N årè-st ossu des pådjes di sinonimeye.

Sacwants mots sont-st ossu prezintés e scrijha Feller, copurade les ptits mots ki li rfondowe est pår diferinne. Loukîz al categoreye fwaite esprès por zels.

Co åk d' ewaerant, wai : n a ossu des intrêye avou des mots nén walons, esplikés e walon. Des "grandès langues" come li francès, li neyerlandès, l' inglès, l' almand, l' espagnol. Åy, mins eto des mancîs lingaedjes come li picård, li gåmès, l' arabe marokin, li berbere et hay vos nd åroz.